ყოფილი მინისტრი ყაზახური მხარის შეთავაზებას დათანხმდა.
გავრცელებული ინფორმაციით, ეკონომიკისა და მდგრადი განვითარების ყოფილი მინისტრი ვერა ქობალია, ყაზახური კომპანიის - „ასტანა ექსპო 2017“ დირექტორის მოადგილედ დაინიშნა.
გამოფენა - „ექსპო 2017" ასტანაში 2017 წლის სექტემბერში ჩატარდება და მისი მთავარი თემა „ახალი ენერგია“ იქნება. მასში მონაწილეობას 100-ზე მეტი ქვეყანა და 10 საერთაშორისო ორგანიზაცია მიიღებს. გამოფენას დაახლოებით 2-3 მილიონი ვიზიტორი ეყოლება.
ქობალია საქართველოს ეკონომიკისა და მდგრადი განვითარების მინისტრის პოსტს 2010 წლის 2 ივლისიდან – 2012 წლის 25 ოქტომბრამდე იკავებდა.