რუსული უძრავი ქონების კომპანია "Inkom-Nedvizhimost" ავრცელებს ინფორმაციას იმის შესახებ, რომ მოსკოვში ბინის ქირის ღირებულება 25 000 რუბლიდან არის შესაძლებელი, რაც დაახლოებით 332 დოლარს შეადგენს. მათი განმარტებით, ამ ბიუჯეტით რუსეთის დედაქალაქში შესაძლებელია მეტროსთან ახლოს, დაახლოებით 38 კვადრატულ ბინაში დასახლდეთ, ყველა საჭირო ავეჯითა და ტექნიკით. ამ შემთხვევაში მესაკუთრე იძლევა სადაზღვევო ანაბრის გაყოფის უფლებას ორი თვით.
2022 წლის თებერვალში, რუსეთის მიერ უკრაინაში შეჭრის შემდეგ, საქართველოში საკმაოდ ბევრი რუსი მიგრანტი შემოვიდა, ხოლო ეს რიცხვი რეკორდულად სექტემბერში გამოცხადებული ნაწილობრივი მობილიზაციის შემდეგ გაიზარდა, რამაც ქართული უძრავი ქონების ბაზარზე საკმაოდ მნიშვნელოვანი ცვლილებები გამოიწვია: 2022 წლის დეკემბერში თბილისში უძრავი ქონების დაქირავების ინდექსი დოლარში 112%-ით, ხოლო ლარში 83,9%-ით გაიზარდა. დეკემბერში ეს ზრდა დაფიქსირდა იმ პერიოდის მაჩვენებელთან შედარებით, სანამ რუსეთი უკრაინაში საომარ მოქმედებებს დაიწყებდა.
„გალთ ენდ თაგარტის“ კვლევის მიხედვით, ამავე პერიოდში შედარებით ნელი ტემპით, თუმცა ასევე გაიზარდა უძრავი ქონების ყიდვის ფასიც. კერძოდ, უძრავი ქონების ღირებულება ლარში 11.2%-ით, ხოლო დოლარში 28.3%-ით გაიზარდა.
უძრავი ქონების ასოციაციის თავმჯდომარე ვაჟა მებაღიშვილმა რადიო „პალიტრასა“ და „პალიტრანიუსის“ გადაცემაში „საქმე“ უძრავი ქონების ფასის შესახებ საუბრისას განაცხადა, რომ 2022 წლის თებერვლიდან ბინების ფასი რეკორდულ ნიშნულზე ავიდა. „ეს არ იყო სწორი, რადგან ფასი ხარისხს არ უნდა სცილდებოდეს. სამწუხაროდ, ახლაც იმ მოცემულობაში ვართ, რომ უძრავი ქონების გასაყიდი თუ გასაქირავებელი ფასი არის „გაბერილი“ და არარელევანტური“, - განაცხადა მებაღიშვილმა.
თბილისისა და მოსკოვის ზოგად მონაცემებს თუ ერთმანეთს შევადარებთ, ამ ეტაპზე ასეთი მდგომარეობაა: (წყარო- numbeo.com)
იხილეთ ასევე:
მიგრანტების ეფექტის გამო თბილისში უძრავი ქონების დაქირავება დოლარში 112%-ით გაძვირდა
„არ შეიძლება 1-ოთახიანი ბინის გაქირავება ნუცუბიძეზე 1,500 დოლარი ღირდეს“ - უძრავი ქონების ასოციაცია