გუდაურის საბაგიროების ერთდღიანი აბონემენტები დამსვენებლებისთვის (ზრდასრულებისთვის), 13 აპრილიდან სეზონის დასრულებამდე, 30 ლარის ნაცვლად 20 ლარი იქნება.
მთის კურორტების განვითარების კომპანიის გადაწყვეტილებით, გუდაურში საბაგიროები ყოველდღიურ რეჟიმში 19 აპრილის ჩათვლით იმუშავებს - შაბათ-კვირას 9.00 საათიდან 16.00 საათამდე, ხოლო სამუშაო დღეებში 9.00 საათიდან 15.00 საათამდე. ამასთან, 19 აპრილის შემდეგ კურორტზე სეზონი კვლავ გაგრძელდება.