კომერციული ბანკების აქტივები 67.8 მლრდ ლარამდე გაიზარდა
2023 წლის თებერვალში, წინა თვესთან შედარებით, საქართველოს კომერციული ბანკების მთლიანი აქტივები (მიმდინარე ფასებში) 41.2 მლნ ლარით, ანუ 0.06 პროცენტით გაიზარდა (გაცვლითი კურსის ეფექტის გარეშე 1.2 პროცენტით გაიზარდა) და 2023 წლის თებერვლის ბოლოს 67.8 მლრდ ლარი შეადგინა. ამის შესახებ ინფორმაციას ეროვნული ბანკი ავრცელებს.
მათივე ცნობით, საბანკო სექტორის სააქციო კაპიტალი 9.6 მლრდ ლარს შეადგენს, რაც კომერციული ბანკების მთლიანი აქტივების 14.2 პროცენტია.
სებ-ის ცნობით, სტატისტიკურ გაანგარიშებებში არ მონაწილეობს სს "პეისერა ბანკი საქართველო"-ს მონაცემები, რადგანაც ციფრული ბანკი ოპერირებს სატესტო რეჟიმში.
ცნობისთვის, 2023 წლის თებერვლის ბოლო მდგომარეობით, საქართველოს საბანკო სექტორი 15 კომერციული ბანკითაა წარმოდგენილი; მათ შორის 13 - საწესდებო კაპიტალში უცხოური კაპიტალის მონაწილეობით.
