ტოპ-15 ქვეყანა, საიდანაც საქართველოს ყველაზე მეტი ვიზიტორი ეწვია მიმდინარე წელს
მიმდინარე წლის იანვარ-მარტში, საქართველოში 1 208 462 საერთაშორისო მოგზაურის ვიზიტი განხორციელდა. აქედან სხვა ვიზიტები (არატურისტული) – 142 783, ხოლო საერთაშორისო ვიზიტორების მიერ განხორციელებული ვიზიტები 1 065 679 იყო. ამის შესახებ ინფორმაციას ტურიზმის ეროვნული ადმინისტრაცია ავრცელებს.
აღსანიშნავია, რომ ადმინისტრაციის ცნობითვე, მიმდინარე წლის 1-ელ კვარტალში საერთაშორისო მოგზაურების ვიზიტები 2022 წლის ანალოგიურ პერიოდთან შედარებით, 109,6%-ით გაიზარდა, პანდემიამდელ 2019 წლის ანალოგიურ მაჩვენებელს კი -25,3%-ით ჩამორჩება.
2023 წლის იანვარ-მარტში საერთაშორისო ვიზიტორების მიერ განხორციელებული ვიზიტების მიხედვით, ტოპ-15 ქვეყანა ასე გამოიყურება:
- რუსეთი - 256 787 ვიზიტორი;
- თურქეთი - 216 391 ვიზიტორი;
- სომხეთი - 182 543 ვიზიტორი;
- ისრაელი - 44 788 ვიზიტორი;
- აზერბაიჯანი - 40 353 ვიზიტორი;
- უკრაინა - 31 689 ვიზიტორი;
- ირანი - 21 318 ვიზიტორი;
- ყაზახეთი - 19 918 ვიზიტორი;
- ბელარუსი - 18 400 ვიზიტორი;
- ინდოეთი - 14 365 ვიზიტორი.
- პოლონეთი - 10 122 ვიზიტორი;
- ფილიპინები - 9 646 ვიზიტორი;
- უზბეკეთი - 8 079 ვიზიტორი;
- გერმანია - 7 429 ვიზიტორი;
- აშშ - 6 803 ვიზიტორი.
