ვენესუელამ რვა წელიწადში 232 მლრდ დოლარი დასავლეთის სანქციების გამო დაკარგა, ამის შესახებ ქვეყნის აღმასრულებელმა ვიცე-პრეზიდენტმა დელსი როდრიგესმა განაცხადა.
„2015 წლიდან ჩვენ ყოველწლიურად ვკარგავთ დაახლოებით 29 მლრდ დოლარს“, - თქვა მან სახელმწიფო ტელეარხ Venezolana de Televisión-ის პირდაპირ ეთერში სემინარზე.
მისი თქმით, შეერთებული შტატების მიერ უკანონო შემაკავებელი ზომების შემოღების შემდეგ, „ვენესუელამ დაკარგა 232 მლრდ დოლარი, რაც ზოგიერთ წლებში სავალუტო შემოსავლის 99%-ის დაკარგვას ნიშნავდა.
„ვენესუელასთვის ყველაზე მტკივნეული არის ნავთობის ექსპორტის აკრძალვა და მკაცრი შეზღუდვები, რომლებიც დაწესდა შეერთებული შტატების მიერ 2019 წელს ნავთობისა და გაზის სახელმწიფო კომპანიის PDVSA-ს წინააღმდეგ“, - აღნიშნა როდრიგესმა და დასძინა, რომ ფინანსების ნაკლებობა იწვევს ადამიანების სიცოცხლის დაკარგვას და აჩერებს ეკონომიკის განვითარებას.
აღმასრულებელმა ვიცე-პრეზიდენტმა აღნიშნა, რომ დღეს მსოფლიოში 20 000 აქტიური ცალმხრივი შემზღუდველი ღონისძიებაა დაწესებული, ძირითადად შეერთებული შტატების მიერ, 35-ზე მეტ ქვეყანაში, მათ შორის ლათინურ ამერიკაში.