ერთ წელში უცხოელი სტუდენტების რაოდენობა 43%-ით გაიზარდა - ტოპ-10 ქვეყანა, საიდანაც საქართველოში ჩამოდიან
ერთ წელში საქართველოში უცხოელი სტუდენტების რაოდენობა 43%-ით გაიზარდა. კერძოდ, საქსტატის მონაცემებით, 2022-2023 სასწავლო წლისთვის საქართველოს უმაღლეს სასწავლებლებში სულ 25 069 უცხოელი სტუდენტი სწავლობს, ეს მაშინ, როდესაც 2021-2022 სასწავლო წლებში ქვეყანაში 17 501 უცხოელი სტუდენტი სწავლობდა.
ზოგადი სურათისთვის, საქართველოს უმაღლეს სასწავლებლებში (როგორც კერძო, ისე სახელმწიფოში), 2022-23 წლებში 161 292 სტუდენტი ირიცხება, 2021-22 წლებში კი მათი რაოდენობა 159 842-ს შეადგენდა.
რაც შეეხება ქვეყნებს, საიდანაც საქართველოში სასწავლებლად ყველაზე მეტი სტუდენტი ჩამოდის, 2022-23 წლის მონაცემები ასეთია:
ტოპ-10 ქვეყანა:
- ინდოეთი - 13 054 სტუდენტი
- იორდანია - 2 282 სტუდენტი
- ისრაელი - 1 376 სტუდენტი
- ეგვიპტე -1 004 სტუდენტი
- ნიგერია - 972 სტუდენტი
- გაერთიანებული სამეფო -755
- აზერბაიჯანი - 729 სტუდენტი
- სუდანი - 585 სტუდენტი
- რუსეთი - 459 სტუდენტი
- პაკისტანი - 347 სტუდენტი
იხილეთ ასევე: „ქირაზე მოთხოვნა უცხოელი სტუდენტების მხრიდან არის გაზრდილი“ - რომელი ქვეყნებიდან ჩამოდიან სასწავლებლად
