საფრანგეთში ინფლაცია ერთწლიან მინიმუმამდე შემცირდა
საფრანგეთის ინფლაცია მაისში მოსალოდნელზე მეტად შემცირდა და ერთ წელიწადში ყველაზე დაბალ დონეს მიაღწია, რასაც ენერგიისა და სურსათის ფასების შემცირება განაპირობებს.
ერთი თვის განმავლობაში სამომხმარებლო ფასები დაეცა 0.1%-ით, წლიურმა ინფლაციამ კი 6.0%-ს მიაღწია აპრილში დაფიქსირებული 6.9%-ის შემდეგ.
ეს ყველაზე დაბალი მაჩვენებელია 2022 წლის მაისის შემდეგ და ჩამოუვარდებოდა გამოცემა "როიტერსის" მიერ გამოკითხული 17 ეკონომისტის მოლოდინს - 6.4%-ს.
განსაკუთრებით შენელდა ინფლაცია ენერგეტიკის სექტორში, კერძოდ, აპრილის 6.8%-დან მაისში მაჩვენებელმა 2.0%-მდე დაიკლო, ხოლო სურსათის ჯგუფში ფასები 15.0%-დან 14.1%-მდე შემცირდა.
ცნობისთვის, სურსათის ფასების ზრდა გამოიწვია მწარმოებლებისა და საცალო მოვაჭრეების შეთანხმებამ, მარტში წლიური ფასები საშუალოდ 10%-ით გაეზარდათ, მაგრამ მას შემდეგ, მთავრობის ზეწოლის ქვეშ მოლაპარაკებები განახლდა.
