ცოტნე კობერიძე - „ქართული ოცნება“ ერთადერთი პარტიაა, რომელმაც 35 000 ბოტებისთვის დახარჯა
“ქართული ოცნება” ერთადერთი პარტიაა, რომელმაც 35 000 ბოტებისთვის დახარჯა, ეს იმის ფონზე, როცა ირაკლი ღარიბაშვილს თავისი სახელის სხვაგვარად დაწერა სწყინს, - ამის შესახებ საკრებულოს წევრმა, “გირჩი - მეტი თავისუფლების” წარმომადგენელმა ცოტნე კობერიძემ განაცხადა.
როგორც მან საკრებულოს სხდომაზე აღნიშნა, “ქართულ ოცნებას” არჩევნებზე რეალური მხარდაჭერა არ აქვს.
“ერთი თვის წინ გამოქვეყნდა სტატია, სადაც ამხილეს ხელისუფლება. “ქართული ოცნება” ერთადერთი პარტიაა, რომელმაც საბიუჯეტო თანხა, 35 000 ბოტებისთვის დახარჯა. ეს იმისთვის, რომ ადამიანებს მიაყენონ შეურაცხყოფა და თან იმის ფონზე, როცა ირაკლი ღარიბაშვილს თავისი სახელის სხვაგვარად დაწერა სწყინს.
პოლიტიკოსებს არ უკვირთ ბოტების შემოტევა, მაგრამ როდესაც ჩვეულებრივ ადამიანებს შეუვარდებიან ხოლმე და შეურაცხყოფას აყენებენ, ეს მარტივი ამბავი არ არის.
როდესაც ხელისუფლება ამას კადრულობს, ზუსტად ვიცით, რომ ანგარიშები “მანანა მანანა”, “უჩა უჩა”, “უცნობი უცნობი” და ა.შ. “ქართული ოცნების” ხელწერა. მათ რეალური მხარდაჭერა არ აქვთ არჩევნებზე”, - აღნიშნა ცოტნე კობერიძემ.