ილონ მასკი "ჯადოქრობისა და პროპაგანდის ვიცე-პრეზიდენტს" ეძებს
ილონ მასკმა Twitter-ზე კიდევ ერთი ხმამაღალი განცხადება გააკეთა. მან გამოაქვეყნა შეტყობინება, რომ ეძებს პირს „ჯადოქრობისა და პროპაგანდის ვიცე-პრეზიდენტის“ თანამდებობაზე.
ორიგინალური პოსტი უკვე ნახა მილიონობით გამომწერმა, თუმცა Twitter-ის მფლობელს ჯერ არ დაუკონკრეტებია კონკრეტულად რაზე საუბრობს. საინტერესო იყო ის ფაქტი, როცა პოსტის დადებიდან მომდევნო დღეს მან ისლანდიელ მეწარმესა და ფილანტროპს ჰარალდურ ტორლეიფსონს უპასუხა, რომელიც თავის მხრივ აცხადებს რომ „აშშ ცხოვრობს პოსტ-სიმართლის, პოსტ-გონიერებისა, და პოსტ-ეთიკის სამყაროში“, მასკმა მას შემდეგი დაუკომენტარა - „ამიტომ ვეძებ პროპაგანდის (და ჯადოქრობის) ვიცე-პრეზიდენტს“.
შეგახსენებთ, რომ ილონ მასკი უკვე არ არის Twitter-ის აღმასრულებელი დირექტორი. გასულ ორშაბათს, 5 ივნისს, მისი ადგილი NBCUniversal-ის ყოფილმა სარეკლამო დირექტორმა ლინდა იაკარინომ დაიკავა.
