Porsche საუკეთესო ლუქს ბრენდად ზედიზედ მეექვსედ დასახელდა

გერმანული ბრენდი Porsche ზედიზედ მეექვსედ აღიარეს საუკეთესო ლუქს ბრენდად. ბრიტანულმა საკონსულტაციო სააგენტო Brand Finance-მა ლუქს სეგმენტის საუკეთესო ბრენდების ყოველწლიური რეიტინგი გამოაქვეყნა, რომელშიც Porsche კვლავ პირველ ადგილზეა. ბრენდის ღირებულება გასულ წელს 9%-ით გაიზარდა, 36,76 მილიარდ დოლარამდე. ამ ინდიკატორის მიხედვით, ავტომობილების ბრენდმა ტოპ სამეულში შემავალ დანარჩენ ორ ლიდერს - Louis Vuitton-სა და Chanel-ს გაუსწრო.

ერთადერთი სხვა ავტომწარმოებელი ტოპ-ათეულში Porsche-ს გარდა, არის Ferrari, რომელიც მე-10 ადგილზეა 7,42 მილიარდი დოლარით. Brand Finance-მა ასევე გაუსვა ხაზი იტალიურ ბრენდს Lamborghini, როგორც ყველაზე სწრაფად მზარდ საავტომობილო ბრენდს, მისი ღირებულება ბოლო ერთი წლის განმავლობაში 2,2-ჯერ გაიზარდა. Lamborghini ახლა მე-18 ადგილზეა ერთი წლის წინანდელი 30-ის ნაცვლად.

24-ე ადგილზეა ბრიტანული Bentley, ხოლო Rolls-Royce, რომელიც გასულ წელს 38-ე იყო, 32-ე ადგილზე ავიდა. 50 ძვირად ღირებული ბრენდების რეიტინგში სხვა ავტომწარმოებელი არ არის.

Brand Finance-ის რეიტინგში 50 კომპანიას შორის 12 ფრანგული, 15 იტალიური და 6 შვეიცარიული ლუქს ბრენდია. მას ასევე ჰყავს ხუთი წარმომადგენელი აშშ-დან და დიდი ბრიტანეთიდან.