შვედეთი ახალ ატომურ რეაქტორებს აშენებს და წიაღისეულ საწვავზე დამოკიდებულებას სრულად ამცირებს
შვედეთის პარლამენტმა მხარი დაუჭირა ახალ ენერგეტიკულ მიზანს, რომელიც მემარჯვენე მთავრობას აძლევს მწვანე შუქს, ააშენოს ახალი ატომური ელექტროსადგურები ქვეყანაში, რომელმაც 40 წლის წინ ხმა მისცა ატომური ენერგიის ეტაპობრივად ამოღებას.
გეგმის ცვლილება 100%-ით განახლებადი ენერგიიდან წიაღისეული საწვავის 100%-ით ამოღებაზე მთავრობის მიზნის ნაწილია, დააკმაყოფილოს ელექტროენერგიის მოთხოვნის მოსალოდნელი გაორმაგება 2040 წლისთვის და მიაღწიოს ნულოვან ემისიებს 2045 წლისთვის.
"ჩვენ გვჭირდება მეტი ელექტროენერგიის წარმოება, ჩვენ გვჭირდება სუფთა ელექტროენერგია და გვჭირდება სტაბილური ენერგეტიკული სისტემა", - განაცხადა ფინანსთა მინისტრმა, ელიზაბეტ სვანტესონმა პარლამენტში.
შვედეთში 2016 წელს შეთანხმდნენ, რომ ახალი რეაქტორები შეიძლება აშენდეს მხოლოდ არსებულ ობიექტებზე. თუმცა, სუბსიდიების გარეშე, ის ძალიან ძვირი ჯდებოდა. ახალი მემარჯვენე-ცენტრისტული კოალიცია ამბობს, რომ ბირთვული რეაქტორები აუცილებელია წიაღისეული საწვავიდან თავისუფალ ეკონომიკაზე გადასვლისთვის და უხვი დაფინანსების პირობასაც დებს.
აღსანიშნია, რომ შვედეთში ელექტროენერგიის, დაახლოებით, 98% უკვე იწარმოება წყლის, ბირთვული და ქარის წყაროებისგან.
ამასთან, სახელმწიფო საკუთრებაში არსებული კომპანია Vattenfall აპირებს მინიმუმ ორი მცირე მოდულური რეაქტორის აშენებას და ქვეყანაში არსებული რეაქტორების სიცოცხლის გახანგრძლივებას.
