რას ვყიდით და ვყიდულობთ რუსეთში - ტოპ-5 პროდუქტი

2023 წლის 1-ელ 6 თვეში რუსეთთან სავაჭრო ბრუნვა გაიზარდა და 1 271 191 800 აშშ დოლარი შეადგინა. ბრუნვის მიხედვით რუსეთი საქართველოს ერთ-ერთი უმთავრესი სავაჭრო პარტნიორი ქვეყანაა და მას მხოლოდ თურქეთი უსწრებს.

საქსტატის მონაცემებით, საანგარიშო პერიოდში საქართველოდან ექსპორტი 34%-ით, ხოლო იმპორტი 31.2%-ით გაიზარდა. კერძოდ, იანვარ-ივნისში საქართველოდან რუსეთში 343 913 400 აშშ დოლარის ექსპორტი, ხოლო 927 278 400 აშშ დოლარის იმპორტი განხორციელდა.

„ბიზნესპრესნიუსი“ დაინტერესდა თუ რა პროდუქტები იყიდა და გაყიდა საქართველომ რუსეთში ყველაზე დიდი რაოდენობით.

2023 წლის იანვარ-ივნისში ტოპ-5 ექსპორტირებული პროდუქტი რუსეთში:

• ყურძნის ნატურალური ღვინოები - 81 806 900 აშშ დოლარი;
• მსუბუქი ავტომობილები (ცალი) - 52 513 600 აშშ დოლარი;
• ფეროშენადნობები - 45 353 000 აშშ დოლარი;
• წყლები, მინერალურისა და დაგაზიანებულის ჩათვლით, შაქრის დანამატების შემცველობით - 33 261 000 აშშ დოლარი;
• მინერალური და მტკნარი წყლები, შაქრის დანამატების გარეშე - 32 761 000 აშშ დოლარი.

2023 წლის იანვარ-ივნისში ტოპ-5 რუსეთიდან იმპორტირებული პროდუქტი:

• ნავთობი და ნავთობპროდუქტები - 320 910 800 აშშ დოლარი;
• ნავთობის აირები და სხვა აირისებრი ნახშირწყალბადები - 86 406 900 აშშ დოლარი;
• ბოცები, ბოთლები და სხვა მინის ტევადობები - 27 692 400 აშშ დოლარი;
• ხორბლის ან ხორბალ-ჭვავის ფქვილი - 24 398 200 აშშ დოლარი;
• კოქსი და ნახევარკოქსი ქვანახშირის, ლიგნიტის ან ტორფისაგან - 21 666 000 აშშ დოლარი.