ღვინის ექსპორტში რუსეთის წილი თითქმის 70%-მდე გაიზარდა - TOP-10 საექსპორტო ქვეყნის რეიტინგი
2023 წლის იანვარ-ივნისის ოფიციალური სტატისტიკური მაჩვენებლების მიხედვით, წლის პირველ ნახევარში ქვეყანამ 43 382 ტონა ღვინის ექსპორტით 126 მილიონ 030 ათასი დოლარის შემოსავალი მიიღო. ეს გასული, წლის პირველი 6 თვის მონაცემებს ღირებულებით - 26.3%-ით, ხოლო მოცულობით - 27.3%-ით აღემატება. შესაბამისად, წელს ღვინის ექსპორტის რეკორდული მაჩვენებელი დაფიქსირდა. ამ დრომდე კი, სარეკორდო ექსპორტი 2022 წელს დაფიქსირდა.
სარეალიზაციო ბაზრებს შორის ტრადიციულად რუსეთი ლიდერობს, რომლის წილიც მთლიან ექსპორტში 69.1%-მდე არის გაზრდილი.
რაც შეეხება ევროკავშირის ბაზარს, წლის პირველ ნახევარში საქართველომ ევროკავშირში 14.3 მლნ დოლარის ღირებულების 4 549 ტონა ღვინო გაყიდა, რაც გასული წლის რეალიზებული ღვინის ღირებულებას 12.4%-ით, მოცულობას კი 15.9%-ით ჩამორჩება.
,,ბიზნესპრესნიუსი" გთავაზობთ ღვინის TOP-10 საექსპორტო ქვეყნის რეიტინგს:
- რუსეთი - 81.8 მლნ დოლარის 29 991 ტონა
- პოლონეთი - 6.7 მლნ დოლარის 2 670 ტონა
- უკრაინა - 6.4 მლნ დოლარის 2 286 ტონა
- ჩინეთი - 6 მლნ დოლარის 1 722 ტონა
- ყაზახეთი - 5.3 მლნ დოლარის 1 630 ტონა
- ბელარუსი - 4.4 მლნ დოლარის 1 588 ტონა
- აშშ - 2.6 მლნ დოლარის 425 ტონა
- გერმანია - 2.3 მლნ დოლარის 510 ტონა
- ლატვია - 2 მლნ დოლარის 585 ტონა
- ლიეტუვა - 1 მლნ დოლარის 311 ტონა
