როგორ გამოიმუშავებს და ხარჯავს ლიონელ მესი თავის 600 მილიონ დოლარს

1987 წლის 24 ივნისს დაბადებული, არგენტინელი პროფესიონალი ფეხბურთელი, მესი, ყველა დროის ერთ-ერთ დიდებულ მოთამაშედ არის აღიარებული.

მან კარიერა ახალგაზრდა ასაკში, არგენტინაში, მშობლიურ ქალაქ როსარიოში დაიწყო. 13 წლის ასაკში კი ბარსელონას ახალგაზრდულ აკადემიას შეუერთდა.

მესი ცნობილია შესანიშნავი დრიბლინგის შესაძლებლობებით, ბურთის კონტროლით, სისწრაფითა და განსაკუთრებული ხედვით მინდორზე. მან თავისი პირველი საერთაშორისო პრიზი 2021 წელს მოიპოვა, როდესაც არგენტინამ კოპა ამერიკა მოიგო. ასევე უხელმძღვანელა არგენტინის გუნდს მსოფლიო ჩემპიონატის მოსაგებად 2022 წელს.

ფეხბურთელმა დიდი ქონებაც დააგროვა. ის მსოფლიოს ერთ-ერთი უმდიდრესი ფეხბურთელია.

საინტერესოა, როგორ გამოიმუშავა და რაში ხარჯავს ვარსკვლავი მილიონებს?

შემოსავალი:

ხელფასი

მესიმ თავისი სიმდიდრის მნიშვნელოვანმ ნაწილი ფეხბურთის თამაშით დააგროვა.

ის 2021 წლამდე მსოფლიოს ნებისმიერ სპორტსმენს შორის ერთ-ერთ ყველაზე მაღალ ხელფასს იღებდა. 2021 წლის აგვისტოში ბარსელონადან წასვლის შემდეგ, მესი პარი სენ-ჟერმენში (PSG) გადავიდა. ის ასევე თამაშობს არგენტინის ნაკრებში და იღებს საკმაოდ მაღალ შემოსავალს. Sportskeeda-ს ცნობით, მესი ყოველ კვირას 700 000 დოლაზე მეტს შოულობს.

გარიგებები კომპანიებთან

მესის დიდი ხნის ურთიერთობა აქვს სპორტული ტანსაცმლის ბრენდთან და იყო Adidas-ის კამპანიის სახე. 2017 წელს მან Adidas-თან უვადო ხელშეკრულებას მოაწერა ხელი, რომელიც, გავრცელებული ინფორმაციით, იყო ერთ-ერთი ყველაზე მომგებიანი კონტრაქტი სპორტის სამყაროში. მესიმ ასევე გააფორმა სხვადასხვა ხელშეკრულებები ცნობილ ბიზნესებთან, როგორიცაა Adidas, PepsiCo და Huawei.

ინვესტიციები და ბიზნეს საწარმოები

მესიმ განახორციელა უამრავი სტრატეგიული ინვესტიციები და ჩაერთო ბიზნეს საწარმოებში, რომლებიც დამატებით შემოსავალს გამოიმუშავებენ. ეს მოიცავს ინვესტიციებს უძრავ ქონებაში, ქონებასა და სასტუმროებში, საქონლის მაღაზიაში თუ სხვა კომერციულ საწარმოებში.

მან ბიზნეს ინტერესები სტუმართმოყვარეობის ინდუსტრიაში გააფართოვა. ასევე ფლობს ძვირად ღირებულ სასტუმროს სახელწოდებით MiM Ibiza Es Vivé ესპანეთში, იბიცაში, რომელიც სტუმრებს მაღალი დონის საცხოვრებელს და მომსახურებას სთავაზობს.

ბონუსები და ჯილდოები

ინდივიდუალური და გუნდური მიღწევებიდან გამომდინარე, ხელფასის გარდა, მესიმ მოიპოვა მნიშვნელოვანი ბონუსები. ეს მოიცავს ბონუსებს შიდა და საერთაშორისო ტიტულების მოგებისთვის, როგორიცაა ლიგის ჩემპიონატები და უეფას ჩემპიონთა ლიგა. ინდივიდუალური ჯილდოები, როგორიცაა ოქროს ბურთი.

ხარჯი:

ძვირად ღირებული მანქანები

მესის უყვარს ძვირად ღირებული მანქანები და კოლექციასაც ფლობს, რომელშიც მაღალი კლასის მანქანებია წარმოდგენილი. მათ შორის: Ferraris, Audi და Maserati.

ვარსკვლავი ასევე დააფიქსირეს Range Rover Vogue-ის მართვისას, რომელსაც ბევრი ცნობილი ადამიანი ანიჭებს უპირატესობას. მესის მანქანების კოლექციის ღირებულება 35 მილიონ დოლარზე მეტია.

ფილანტროპია

მესი აქტიურად არის ჩართული საქველმოქმედო საქმიანობაში. „ლეო მესის ფონდის“ მეშვეობით, მან მხარი დაუჭირა სხვადასხვა მიზნებს, მათ შორის დაუცველი ბავშვებისთვის განათლებისა და ჯანდაცვის ხელმისაწვდომობას.

მან ასევე მნიშვნელოვანი ქონება შესწირა საქველმოქმედო ორგანიზაციებს და მონაწილეობა მიიღო რამდენიმე კამპანიაში. შექმნა რამდენიმე საფეხბურთო აკადემია, სადაც მხარს უჭერს ახალგაზრდა და მომავალ ფეხბურთელებს.

უძრავი ქონება

ფეხბურთის ლეგენდამ ინვესტიცია ჩადო უძრავ ქონებაში როგორც არგენტინაში, ასევე მის ფარგლებს გარეთ. ის ფლობს სახლებს მშობლიურ ქალაქ როსარიოში, არგენტინაში, ბარსელონაში და ესპანეთში.

გარდა ამისა, მან ინვესტიცირება მოახდინა სხვა ქვეყნებშიც, მათ შორის, აშშ-ში, მაიამში. მისი უძრავი ქონების ინვესტიცია 30 მილიონ დოლარზე მეტია შეფასებული.

ცხოვრების წესი და მოგზაურობა

როგორც ცნობილი სპორტსმენი, ლიონელ მესი ცხოვრობს მდიდრული ცხოვრების წესით. ის ხშირად მოგზაურობს ექსკლუზიურ მიმართულებებზე, რჩება ძვირად ღირებულ სასტუმროებში და ტკბება მაღალი დონის მომსახურებით.

წყარო: therichest.com