EBRD-მა 2024 წლის საქართველოს ეკონომიკური ზრდის პროგნოზი შეამცირა - როგორია 2023 წლის განახლებული მაჩვენებელი
ევროპის რეკონსტრუქციისა და განვითარების ბანკმა (EBRD) 2023 წლის საქართველოს ეკონომიკური ზრდის პროგნოზი გააუმჯობესა, 2024 წლის კი შეამცირა.
განახლებული პროგნოზის თანახმად, 2023 წელს ეს მაჩვენებელი 6%-ს მიაღწევს, 2024 წელს კი 4.5%-მდე შემცირდება. ამ დრომდე ბანკი საქართველოში წელს 5%-იან, მომავალ წელს კი 5.3%-იან ეკონომიკურ ზრდას ელოდა.
ინფორმაციისთვის, საქსტატის, წინასწარი შეფასებით, 2023 წლის ივლისში, წინა წლის შესაბამის პერიოდთან შედარებით, საქართველოს ეკონომიკა 5.5%-ით გაიზარდა, ხოლო პირველი შვიდი თვის საშუალო ზრდის მაჩვენებელი 7.2% იყო
მთავრობამ კი, საქართველოს 2023 წლის ეკონომიკური ზრდის პროგნოზი მიმდინარე თვეში 5%-დან 6.5%-მდე გაზარდა.
