საქართველოში კაკლის მოსავლის აღება დაიწყო - როგორია მოლოდინები
საქართველოში კაკლის მოსავლის აღება დაიწყო.
როგორც კომპანია „ანიგოზის“ დამფუძნებლისა და საქართველოს ნუშისა და კაკლის მწარმოებელთა ასოციაციის სამეთვალყურეო საბჭოს წევრმა, ანა ქევხიშვილმა East-fruit-ს განუცხადა, ამ სეზონზე კაკლის მოსავალი 3,3–3,4 ათასი ტონა იქნება, რაც წინა წელთან შედარებით მკვეთრად მეტია. მისი აზრით, წარმოების ზრდა დაკავშირებულია ბევრ თანამედროვე ბაღში ნაყოფიერების დაწყებასთან.
ანა ქევხიშვილის განცხადებით, გასულ წელთან შედარებით, 2022-23 წლის სეზონზე ნიგოზზე ადგილობრივი მოთხოვნა საგრძნობლად გაიზარდა, ამიტომ ქართული კაკლის მნიშვნელოვანი ნაწილი ადგილობრივ ბაზარზე გაიყიდა.
რაც შეეხება ექსპორტს, მიუხედავად იმისა, რომ საქართველოს აქვს მნიშვნელოვანი უპირატესობა თავისუფალი ვაჭრობის სახით ევროკავშირთან ასოცირების ხელშეკრულებით, საქართველო ჯერ არ არის ცნობილი ევროკავშირის ბაზარზე, როგორც კაკლის მწარმოებელი. თავის დამკიდრების ერთ-ერთი უპირატესობა შესაძლოა, გახდეს ის, რომ საქართველოს ევროკავშირის ბაზარზე 2-3 კვირით ადრე შეეძლება შესვლა, ვიდრე შეერთებული შტატები, რომელიც თხილის ერთ-ერთი წამყვანი იმპორტიორია ევროკავშირში.
გასულ სეზონზე ქართული კაკლის საცდელი მიწოდება შედგა დუბაიში.
რაც შეეხება იმპორტს, EastFruit-ის ანალიტიკოსების თქმით, მარტო 2023 წლის იანვარში საქართველომ 3,5-ჯერ მეტი კაკალი შემოიტანა, ვიდრე ერთი წლის წინ. კაკლის მთავარი მომწოდებლები არიან: უკრაინა, ყირგიზეთი და უზბეკეთი. თავის წილს ქართულ ბაზარზე თანდათან ზრდის ჩინეთიც. ანა ქევხიშვილის თქმით, ამ ქვეყნებიდან შემოტანილი პროდუქტი ქართული „ჩენდლერისთვის“ კონკურენტი არ არის, რადგან ქართულსა და შემოტანილ ნიგოზს შორის ხარისხობრივად საკმაოდ დიდი სხვაობაა.
ხარისხისა და მდგომარეობის გათვალისწინებით წელს ქართული ნიგოზი 15-დან 25 ლარამდე (5,6-9,3 დოლარი) ეღირება.
იხილეთ ასევე: გაამართლა თუ არა თხილის სუბსიდირების პროგრამამ საქართველოში
