საქართველოდან ფულადი გზავნილები შემცირდა - სად გადაირიცხა ყველაზე მეტი თანხა
2023 წლის სექტემბერში საქართველოდან საზღვარგარეთ 28.9 მლნ აშშ დოლარი (76.5 მლნ ლარი) გადაიგზავნა, რაც 2022 წლის სექტემბრის (32.0 მლნ აშშ დოლარი) ანალოგიურ მაჩვენებელთან შედარებით, 9.5%-ით ნაკლებია. ამის შესახებ ინფორმაციას ეროვნული ბანკი ავრცელებს.
სებ-ის მონაცემების თანახმად, ქვეყნებს შორის, სადაც საქართველოდან ყველაზე მეტი თანხა გადაირიცხა, ლიდერობს თურქეთი, რომელზე გზავნილების 23,1% მოდის, მას მოსდევს აზერბაიჯანი 11,9%-ით და რუსეთი 11,6%-ით.
უფრო კონკრეტულად, ტოპ-10 ქვეყანა, სადაც სექტემბერში ყველაზე მეტი თანხა გადაირიცხა, ჩამონათვალი ასეთია:
- თურქეთი - 6,690 მლნ აშშ დოლარი
- აზერბაიჯანი - 3,455 მლნ აშშ დოლარი
- რუსეთს ფედერაცია - 3,357 მლნ აშშ დოლარი
- უკრაინა - 2,287 მლნ აშშ დოლარი
- საბერძნეთი - 1,496 მლნ აშშ დოლარი
- აშშ - 1,309 მლნ აშშ დოლარი
- ყაზახეთი - 1,003 მლნ აშშ დოლარი
- პოლონეთი - 972,8 ათასი აშშ დოლარი
- იტალია - 971,6 ათასი აშშ დოლარი
- სომხეთი - 829,4 ათასი აშშ დოლარი
