წელს რეადმისიის ფარგლებში ევროკავშირიდან საქართველოს 3 387 პირი გამოაბრუნეს - რომელი ქვეყნები ლიდერობენ
2023 წლის იანვარ-სექტემბერში რეადმისიის ფარგლებში, ევროკავშირის ქვეყნებიდან საქართველოში დაბრუნების შესახებ თანხმობა 3 387 პირზე გაიცა.
შინაგან საქმეთა სამინისტროს სტატისტიკური მონაცემების თანახმად, 2022 წელს, წლიურად კი რეადმისირებული იქნა საქართველოს 3 034 მოქალაქე.
აღსანიშნავია, რომ წელს ყველაზე მეტი - 2 202 მოქალაქის საქართველოში დაბრუნების შესახებ გადაწყვეტილება გერმანიაში მიიღეს. შემდეგ მოდის საფრანგეთი და საბერძნეთი
„ბიზნესპრესნიუსი“ გთავაზობთ ევროკავშირის 10 ქვეყანას, საიდანაც 2023 წლის 9 თვეში საქართველოს ყველაზე მეტი მოქალაქის რეადმისია განხორციელდა:
- გერმანია - 2 202
- საფრანგეთი - 468
- საბერძნეთი - 136
- შვეიცარია - 132
- პოლონეთი - 69
- იტალია - 69
- ესპანეთი - 63
- ნიდერლანდები - 61
- ბელგია - 44
- შვედეთი - 30
შეგახსენებთ, რომ საქართველოსა და ევროკავშირს შორის „უნებართვოდ მცხოვრებ პირთა რეადმისიის შესახებ“ შეთანხმება 2011 წლის 1-ელ მარტს ამოქმედდა. შეთანხმების საფუძველზე ხდება ევროკავშირის ტერიტორიაზე არალეგალურად მცხოვრები საქართველოს მოქალაქეების საქართველოში დაბრუნება. შეთანხმება ასევე ითვალისწინებს მესამე ქვეყნების მოქალაქეთა საქართველოში დაბრუნებას შეთანხმებით დადგენილი პირობების საფუძველზე. შეთანხმების შესაბამისად, რეადმისიასა და ტრანზიტთან დაკავშირებულ ყველა სატრანსპორტო ხარჯს საბოლოო დანიშნულების სახელმწიფოს საზღვრამდე აანაზღაურებს მოთხოვნის წარმდგენი სახელმწიფო.