ბორჯომის მერიამ საშეშე მერქნის შესაძენად 113 400 ლარის დაფინანსება გასცა
ბორჯომის მუნიციპალიტეტის მერიამ, მუნიციპალიტეტის ტერიტორიაზე მცხოვრებ 567 ოჯახს, რომლის სარეიტინგო ქულა 70 000-ს არ აღემატება, საშეშე მერქნის შესაძენად 200 ლარი ჩაურიცხა.
ამის შესახებ ინფორმაციას ბორჯომის მერია ავრცელებს.
მათივე ცნობით, ბორჯომის მუნიციპალიტეტში 25-მდე სოციალური პროგრამა ხორციელდება. პროგრამის მთავარი მიზანია ადგილობრივი მოსახლეობის, ასევე სოციალურად დაუცველ ბენეფიციართა მდგომარეობის გაუმჯობესება და მათი მხარდაჭერა.