ტოკიოში „დიდი შვიდეულის“ სამიტი დაიწყო
ტოკიოში „დიდი შვიდეულის“ სამიტი დაიწყო. ბრიტანეთის, კანადის, საფრანგეთის, გერმანიის, იტალიის, იაპონიის, აშშ-სა და ევროკავშირის საგარეო საქმეთა მინისტრები მსოფლიოში არსებულ აქტუალურ საკითხებს განიხილავენ.
Reuters-ის ინფორმაციით, ლიდერები რუსეთ-უკრაინის ომს, ისრაელ-„ჰამასის“ კონფლიქტსა და სხვა აქტუალურ თემებზე იმსჯელებენ.
როგორც ცნობილია, სამიტს ონლაინ ფორმატში დაესწრება უკრაინის საგარეო საქმეთა მინისტრი დმიტრო კულებაც.
სამიტზე დასასწრებად ტოკიოში ჩავიდა აშშ-ის სახელმწიფო მდივანი, ენტონი ბლინკენი. ბლინკენი იაპონიაში ვიზიტამდე ახლო აღმოსავლეთს სტუმრობდა და ღაზაში ჰუმანიტარული პაუზის მოწოდებით გამოვიდა.
„დიდი შვიდეულის“ სამიტი 8 ნომებერს დასრულდება.