სუმა ჩაკრაბარტი მიიჩნევს, რომ საქართველო იმ ქვეყნებს შორის არის, სადაც ბიზნესის კეთება ძალიან მაღალ დონეზეა

ევროპის რეკონსტრუქციისა და განვითარების ბანკის პრეზიდენტის, სერ სუმა ჩაკრაბარტის განცხადებით, საქართველო არის იმ ქვეყნებს შორის, სადაც ბიზნესის კეთება ძალიან მაღალ დონეზეა.

როგორც ჩაკრაბარტიმ დღეს გამართულ პრესკონფერენციაზე აღნიშნა, საქართველო ერთ-ერთი ლიდერი ქვეყანაა Doing Business-ის მონაცემებით და ეს არის ერთ-ერთი მნიშვნელოვანი, გადამწყვეტი ფაქტორი. "რაც შეეხება საინვესტიციო გარემოს და კლიმატს, მინდა გითხრათ, რომ საკმაოდ გულახდილი საუბარი გვქონდა საქართველოს მთავრობის წევრებთან, პრემიერ-მინისტრთან, ის მოქმედებები, რომელიც მთავრობამ უნდა გადადგას, სახელმწიფომ უნდა გადადგას არის ერთ-ერთი მთავარი ფაქტორი, რომელმაც უნდა განაპირობოს ინვესტიციების ზრდა და ქვეყნის ეკონომიკური ფუნქციონირების გაუმჯობესება", - განაცხადა სუმა ჩაკრაბარტიმ.

მისივე თქმით, სწორედ ამ მიზნით მოეწერა ხელი ურთიერთგაგების მემორანდუმს EBRD-სა და საქართველოს მთავრობას შორის და ირაკლი ღარიბაშვილმა თავის მხრივ აღნიშნა, რომ პირდაპირი ფოკუსი იქნება გაკეთებული კერძო სექტორის განვითარებასა და საინვესტიციო კლიმატის გაუმჯობესებაზე.