პროფესია პირადი მცველი - როგორია მათი ანაზღაურება და სამუშაო პირობები მსოფლიოს სხვადასხვა ქვეყანაში
უსაფრთხოების თვალსაზრისით სამყარო სულ უფრო და უფრო სახიფათო ხდება, მით უმეტეს, თუ საქმე ცნობილ ადამიანებს ეხებათ. სწორედ ე.წ. სელებრითებში არის ყველაზე დიდი მოთხოვნა სპეციალური დაცვის წევრებზე, რომლებიც განსაკუთრებულ ფიზიკურ მონაცემებს უნდა ფლობდნენ, თუმცა, ანაზღაურებაც საკმაოდ მაღალი აქვთ.
პირადი მცველი დღეს ნებისმიერს შეუძლია გახდეს, თუ შესაბამისი ასაკი და ფიზიკური მომზადება გააჩნია. მსოფლიოში აღნიშნული პროფესია სულ უფრო პოპულარული ხდება და მედიაც აქტიურად წერს მასზე რჩევებს.
როგორ გავხდეთ მცველი
“ბოდიგარდი“ არა მხოლოდ ფიზიკურ მომზადებას გულისხმობს, არამედ კლიენტისადმი სანდოობასაც მოისაზრებს.
უნდა ფლობდეთ ტაქტიკურ უნარებს, თავდაცვის და სუბიექტის დაცვის ხერხებს და შეგეძლოთ საიდუმლოს შენახვა. დღეს ამგვარ მომზადებას ევროპისა და აშშ-ის ბევრ დაწესებულებაში შეძლებთ.
1. მიიღეთ პირველადი დახმარებისა და CPR სერთიფიკატები
იმისთვის, რომ იყოთ მცველი, უნდა იყოთ მცოდნე CPR და პირველადი დახმარების საკითხებში; აქედან გამომდინარე, თქვენ წარმატებით უნდა დაასრულოთ სასერთიფიკატო პროგრამა.
ლეგალური CPR სერთიფიკატის მისაღებად, თქვენ მხოლოდ უნდა მოძებნოთ ონლაინ სასერტიფიკაციო კურსები.
2. მიიღეთ მცველის სერთიფიკატი
სერთიფიკატის მოთხოვნები განსხვავდება ქვეყნის მიხედვით. ზოგიერთი ითხოვს, რომ თქვენ უნდა გქონდეთ იარაღთან მუშაობის გამოცდილება, პირველადი დახმარების გაწევის უნარი და ა.შ. ზოგიერთი ქვეყანა მოითხოვს საბაზისო სამხედრო მომზადებას.
3. გააუმჯობესე შენი ტაქტიკური უნარები
მცველების წვრთნა ჩვეულებრივ ეყრდნობა ტაქტიკური უნარ-ჩვევების შეძენას, რაც მნიშვნელოვანია მცველებისთვის. ეს უნარები ჩვეულებრივ სრულყოფილი ხდება რამდენიმე კურსის გავლის შემდეგ.
უნარები, რომლებიც უნდა გააუმჯობესონთ, მოიცავს პირველად დახმარებას, რისკების შეფასებას, განიარაღებას, უიარაღო ბრძოლას, კონტრდაკვირვებას და ანტიტერორისტულ ტექნიკას. ამ კურსების უმეტესობა ხელმისაწვდომია ონლაინ, მაგრამ ზოგიერთს ესაჭიროება პერსონალური გაკვეთილები.
4. დიპლომი
აღსანიშნავია, რომ კლიენტთა უმრავლესობა უმაღლესი სასწავლებლის დამთავრების აღმნიშვნელ დიპლომს არ ითხოვს.
თუ თქვენ აღნიშნული პროფესიით დასაქმება მიზნად დაისახეთ, სულ რომ არ იყოთ ფორმაში, ტრეინიგებისა და გადამზადების შემდეგ სრულებით არის შესაძლებელი, რომ ერთ წელიწადში პროფესიონალ პირად მცველად ჩამოყალიბდეთ.
რა ევალება დაცვის წევრს?
- დაეხმარონ კლიენტს გაექცეს სახიფათო სიტუაციებს
- შექმნას უსაფრთხოების სტრატეგიები
- ჩაატაროს თანამშრომლების, პერსონალის ფონური შემოწმება
- აღმოაჩინოს პოტენციური უსაფრთხოების პრობლემა
- განახორციელოს კლიენტების ესკორტი საჯარო გარემოში
- მოახდინოს საეჭვო ქცევის იდენტიფიცირება
- დაიცვას საჯარო ადგილები
- რეაგირება მოახდინოს მუქარაზე, როგორც კი ის მოხდება
რაც შეეხება ხელფასს, არ არსებობს სტანდარტული ანაზღაურება. ყველა ქვეყანას აქვს ანაზღაურების კონკრეტული რეგულაცია. თუმცა დიდი მნიშვნელობა აქვს თუ ვის იცავთ.
უფრო დიდი ეკონომიკის მქონე ქვეყანაში, როგორიცაა შეერთებული შტატები, მცველი საათში საშუალოდ 41,51 დოლარს გამოიმუშავებს. დამწყები მცველის საათობრივი ხელფასი 18,75-დან 53,37 დოლარამდე მერყეობს.
გაერთიანებულ სამეფოში გადახდილი თანხა დამოკიდებულია რისკის ფაქტორზე. დაბალი რისკის მქონე, ეროვნული ოპერაციები დღეში 300-დან 400 ფუნტამდე იხდიან. საშუალო რისკის საზღვარგარეთული ოპერაციები დღეში 400-დან 500 ფუნტამდე იხდის, ხოლო მაღალი რისკის ოპერაციები დღეში დაახლოებით 1000 ფუნტს იხდის.
მაღალი დონის პიროვნებების დაცვის მცველების ხელფასი შეიძლება იყოს ამაზე მაღალი. მაგალითად, ამერიკელი მსახიობი ჯენიფერ ანისტონი, გავრცელებული ინფორმაციით, პირად უსაფრთხოებაზე დაახლოებით 240 000 დოლარს ხარჯავს.
რა ღირს პროფესიული გადამზადება?
ღირებულება განსხვავდება თქვენი ქვეყნის მიხედვით. მაგალითად, აშშ-ში მცველთა მომზადების სწავლის საფასური 2,300 დოლარიდან 5,400 დოლარამდე მერყეობს.
წყარო: msn.com
