ელექტროგაყვანილობის ხელოსანი, მღებავი, სანტექნიკოსი - რა მომსახურება გაძვირდა ყველაზე მეტად
მიმდინარე წლის ნოემბერში, გასული წლის ანალოგიურ პერიოდთან შედარებით, ყველაზე მეტად ელექტროგაყვანილობის ხელოსნის მომსახურება გაძვირდა. საქსტატის მონაცემებით, აღნიშნული საქმიანობის ანაზღაურებამ 47%-ით მოიმატა.
ამავე სტატისტიკის მიხედვით, შემდეგია საბანკო მომსახურება - 26,2%-იანი გაძვირებით და მღებავის საქმიანობა 18%-იანით.
„ბიზნესპრესნიუსი“ გთავაზობთ იმ საქმიანობების ჩამონათვალს, რომელიც წელს ნოემბერში, წინა წლის იგივე პერიოდთან შედარებით, ყველაზე მეტად გაძვირდა.
- ელექტროგაყვანილობის ხელოსნის მომსახურება - 47%
- საბანკო მომსახურება - 26,2%
- მღებავის მომსახურება -18%
- სანტექნიკოსის მომსახურება - 14,5%
- ქალის თმის დავარცხნა - 9,9%
- სტომატოლოგის მომსახურება (კბილის დაბჟენა) – 9,2%
- მამაკაცის თმის შეჭრა - 9,1%
- ძიძის მომსახურება - 8,9%
- სტომატოლოგის მომსახურება (კბილის ამოღება) - 8,2%
- თერაპევტის კონსულტაცია - 8,1%
ცნობისათვის, სტატისტიკის ეროვნული სამსახურის მონაცემებით, 2023 წლის ნოემბერში წინა თვესთან შედარებით ინფლაციის დონემ საქართველოში -0.2%, ხოლო წლიური ინფლაციის დონემ 0.1% შეადგინა.
რაც შეეხება საბაზო ინფლაციას, აღნიშნულმა მაჩვენებელმა 2023 წლის ნოემბერში, გასული წლის შესაბამის პერიოდთან შედარებით 2.1% შეადგინა, ხოლო თამბაქოს გარეშე წლიური საბაზო ინფლაციის მაჩვენებელი 1.8%-ით განისაზღვრა.
