3 გამოკითხულიდან 2-ს საქმის კეთებისას ნაკლები ენთუზიაზმი აქვს - ACT-ის კვლევის შედეგები
დასაქმებულების ჩართულობა და მენტალურ ჯანმრთელობაზე ზრუნვა განსაკუთრებით მნიშვნელოვანი პოსტკოვიდურ სამყაროში გახდა. ამ დრომდე არ არსებობდა ქართული სტატისტიკა იმაზე, თუ როგორია დასაქმებულების ჩართულობა ორგანიზაციაში და როგორია ორგანიზაციებში სტრესის, შფოთვისა და მენტალური ჯანმრთელობის მაჩვენებელი.
ACT-ის მიერ ჩატარდა ონლაინ გამოკითხვა „ორგანიზაციებში მენტალური ჯანმრთელობისა და დასაქმებულთა ჩართულობის კვლევის პრეზენტაცია“. კვლევა განხორციელდა 13 ოქტომბრიდან 7 ნოემბრის პერიოდში. კვლევაში მონაწილეობა მიიღო 587-მა ადამიანმა.
კვლევის შედეგად:
- გამოკითხულ ტოპ მენეჯერების 31% და შუა რგოლის მენეჯერების 42% არ გაუწევდა რეკომენდაციას თავის დამსაქმებელს;
- 3 გამოკითხულიდან 2-ს ბოლო ერთი თვის მანძილზე აქვს ნაკლები ენთუზიაზმი საქმის კეთებისას, სამსახურთან დაკავშირებული სტრესიდან გამომდინარე;
- ასევე, 3 გამოკითხულიდან 2-ს ბოლო ერთი თვის მანძილზე აღენიშნებოდა გამოფიტვა, გადაწვა, სამსახურთან დაკავშირებული სტრესიდან გამომდინარე.
შედეგები განკუთვნილია კომპანიის მენეჯმენტისთვის, ადამიანური კაპიტალის მართვის გუნდისთვის და ყველა დაინტერესებული პირისთვის.
კვლევის სრულ ანგარიშის წარდგენა ამჟამად ადამიანური კაპიტალის, ორგანიზაციული განვითარების მიმართულების პროფესიონალებისთვის მოხდება 20 დეკემბერს, 16:00 საათზე, ტერმინალი, ი.აბაშიძის ქ. #34-ში.
პრეზენტაციის შემდგომ კვლევის სრული ანგარიში ხელმისაწვდომი გახდება ყველა დაინტერესებული პირისთვის.