"4-5 წელიწადში შეკვეთილი სრულიად სხვა კონცეფციის კურორტი გახდება“ – „ტოპლაინ ქონსთრაქშენი“

„4-5 წელიწადში შეკვეთილი სრულიად სხვა კონცეფციის კურორტი გახდება“ – ამის შესახებ „ტოპლაინ ქინსთრაქშენის“ დირექტორმა ვასილ თამაზაშვილმა „პალიტრანიუსის“ გადაცემაში „მონეტიზაცია“ განაცხადა.

კომპანია სასტუმროს ტიპის საცხოვრებელი კომპლექსის მშენებლობით, შეკვეთილში 7 მლნ ლარის ოდენობის ინვესტიციას ახორციელებს. საუბარია, „ფიდელიოსა“ და „სისაიდზე“, რომელიც საკუთარი კონცეფციით რეგიონში სრულიად უნიკალური პროექტებია. ამასთან, ორიენტირებულია ქართველ მომხმარებლებზე და ბინებს მათთვის სრულიად მორგებული ფასითა და პირობებით სთავაზობს.

როგორ დაიწყო ყველაფერი და რა ტიპის პროექტთან გვაქვს საქმე, გვიამბეთ ამის შესახებ..

როდესაც გადავწყვიტეთ, რომ დეველოპერულ ბაზარზე შევსულიყავით, ბევრი ალტერნატივა და გარემო იყო შესარჩევად, განიხილებოდა ძალიან ბევრი მიდგომა ამ ყველაფერთან დაკავშირებით. აღმოჩნდა, რომ ამ უნიკალურ ადგილას, სადაც სასწაული გარემო და ბუნებაა, დეველოპერული ბაზარი არის აბსოლუტურად ნული, არ ვითარდება. ამ დროს, გარშემო არის ძალიან დიდი და ცნობილი ობიექტები, რომელიც გააკეთა ქვეყანამ, უშველებელი სასტუმრო, საკონცერტო დარბაზი, დენდროლოგიური პარკი, რომელიც მთავრდებოდა, აქეთ ციცინათელა, გასართობი პარკი, აბსოლუტურად ყველა კონცეფცია. შესაბამისად, მივიღეთ გადაწყვეტილება, რომ გვეცადა და დაგვეწყო დეველოპერული განვითარება.

იდეაში, რამაც შეაფერხა შეკვეთილში დეველოპერული საქმიანობა, რაც მეორე მხრივ ეს კარგი კონცეფციაა, არის განაშენიანების დაბალი ინტენსივობა. როდესაც სხვა დიდი დეველოპერები შედიან, მათ მიდგომა განსხვავებულია ჩვენგან და მათ სჭირდებათ უფრო მეტი შენობა-ნაგებობების განთავსება, რაც აქ პრინციპში შეუძლებელია. იმიტომ, რომ ურეკი-შეკვეთილის სარეკრეაციო ზონის გენერალური გეგმა აბსოლუტურად არ არის გათვლილი დეველოპერული საქმიანობისთვის, 3-4 სართულში იმერყევებს კომპანია, როდესაც აქ გადაწყვეტს დეველოპერული საქმიანობით შესვლას.

თუმცა, უნდა გავითვალისწინოთ ის გარემო, რომ შეკვეთილიც არ არის უსაშველო და არ უნდა დავუშვათ ამ თავისუფალი კურორტის იმ კონცეფციით განვითარება, რომ ელემენტარულად ადგილებიც აღარ დარჩეს სანაპიროზე. შესაბამისად, ჩვენც სრულად მოვერგეთ და იქ ყველა წამოწყებული მიმდინარე პროექტი არის 3-4 სართულიანი, მეტი სარეკრეაციო სივრცით, მეტი დატვირთვით, მეტი კონცეფციით. საბოლო ჯამში გამოვიდა ის ყველაფერი, რაც მომხმარებლისთვის მიმზიდველი და კარგია.

ჯამში რამდენ ადამიანზე იქნება კომპლექსი გათვლილი, რა ელემენტებს მოიცავს?

გვაქვს ორი პროექტი, ერთი არის "ფიდელიო", რომელიც მომხმარებელს ბარდება სრული აღჭურვით. ვგულისხმობ, გარემონტებული, ავეჯით, ტექნიკით და სხვა წვრილმანებით, რაც აუცილებელია. მეორე მიმდინარე პროექტი გვაქვს „სისაიდი“, რომელიც ზღვიდან 70 ნაბიჯია და ის ბარდება მწვანე კარკასის კონდიციით. დიფერენცირება გამოიწვია იმან, რომ ხშირად თავისი სურვილით უნდათ სივრცის მოწყობა ადამიანებს, არ უნდათ დასტანდარტებული, მიუხედავად იმისა, რომ ორივეგან ძალიან კარგი ინტერიერი გვაქვს, ვჩუქნით კიდეც ინტერიერს "სისაიდის" პროექტში, თუმცა, მაინც არის ის რაღაც, ცვლილებები, რომელსაც ბევრი ითხოვდა, "ფიდელიოს" შემთხვევაში კი ვიყავით მოკლებული, რადგან ფრანგული კომპანია შემოდის აქ სამართავად და თავის სურვილით ვერ გადააკეთებდა. "სისაიდი" შედარებით მცირე მოცულობის შენობაა, 4 სართულიანი, 18 ბინიანი, შესაბამისად, თავის სურვილით შეუძლია გააკეთოს ნებისმიერი ტიპის ინტერიერი, ამაშიც ვეხმარებით (მოძიებაში), იმიტომ, რომ არ არის ის თბილისში განთავსებული და იქ მუშა ხელი და ა.შ უფრო ჭირს იქით. ამიტომ, ჩვენს კლიენტებს ვუქმნით იმ პირობებსაც, რომ თვისი სურვილები რეალობაში განახორციელონ.

ორივე არის აღჭურვილი სარეკრეაციო სივრცეებით, აუზით, ყველა იმ პირობით, რაც პრინციპში საკურორტო ზონას უნდა პასუხობდეს. განთავსებულია ავტოსადგომებიც და ა.შ ანუ, ყველა ის წვრილმანი გათვალისწინებულია, რითაც ადამიანმა კომფორტულად უნდა იგრძნოს თავი.

პროექტი როდის მიიღებს საბოლოო სახეს?

"ფიდელიოს" გავხსნით სეზონზე, ინტენსიური მუშაობა მიდის, თუ ამინდებმა და სხვა პირობებმა შეგვიწყო ხელი, აუცილებლად დავასრულებთ, რაც შეეხება "სისაიდს", ვფიქრობთ, რომ მარტი-აპრილში უკვე დასრულებული იქნება, რადგან არის 18 ბინიანი და არ არის ძალიან დიდი მოცულობის პროექტი. "ფიდელიოს" რომ შევადაროთ იქ ჯამში 80 ბინა, ამიტომ "სისაიდი" ბევრად მალე დასრულდება.

როგორია პროექტის საინვესტიციო მოცულობა და ასევე, როგორია დასაქმებულთა მაჩვენებელი?

საინვესტიციო პორტფელი არის სრულად ქართული, რაც გულისხმობს როგორც დამფუძნებლების პირადი კაპიტალის ჩართულობას, ისე ბანკის. სრულ საინვესტიციო მოცულობას ლარში თუ ვიანგარიშებთ, დაახლოებით, 7 მლნ ლარამდე იქნება, სამივე პროექტის, უკვე განხორციელებულია ნახევარზე ცოტათი მეტი. რაც შეხება დასაქმებულ ადამიანებს, თუ მთელ მოცულობას ავიღებთ, ჯამურად 60-ზე მეტი ადამიანია, ყველა ობიექტზე ერთად.

სამომავლო გეგმებზეც რომ გვითხრათ...

ჯერჯერობით, ვრჩები რეგიონში, ამიტომ, რომ ბაზარი არ არის ჯერ გაჯერებული ამ ყველაფრით. ალბათ 4-5 წელიწადში შეკვეთილი სრულიად სხვა კონცეფციის კურორტი გახდება. არა ისეთი, როგორიც შარშან და იმის წინ გვახსოვდა . სივრცეს, რომ ეს ყველაფერი კარგად განვითარდეს, ჯერჯერობით ვხედავთ, შესაბამისად, დავრჩებით რეგიონში.

ასეთი მიზიდულობის წერტილები, შემდეგ უკვე აჩენს ხოლმე ინტერესებს სხვა მოთამაშეების მხრიდან, არის თუ არა უკვე ძვრები ამ მიმართულებით?

ძალიან აქტიური. პირველები ჩვენ ვიყავით ამ მიმართულებით და მიხარია, რომ ბევრი დეველოპერული კომპანია ინტერესდება ამ ყველაფრით. ძალიან ცნობილებიც და სხვებიც. ამიტომ, არც უფრო მეტი შევა და რაც უფრო კონკურენტული გარემო იქნება, მით უფრო ცენტრი გახდება შეკვეთილი. ყველა იპოვის თავის მომხმარებელს და ბაზარს, ერთობლივად განვავითარებთ იქ სიტუაციას.

ასევე, დაიწყეს შეკვეთილი-ურეკის ძველი გენ-გეგმის კიდევ უფრო დახვეწა, მუშაობენ ამ იმართლებთ, როგორც ვიცი, მომავალი წლისთვის უკვე ახალი გენერალური გეგმა იქნება, რაშიც ჩადებულია ბულვარს გაკეთება, სხვადასხვა ცენტრის შექმნა, რაც სახელმწიფო მიწებია დარჩენილი, კიდევ უფრო რომ განვითარდეს, ანუ სხვა სიმაღლეზე ადის ეს ყველაფერი, რაც ხელს უხსნის ყველას, იმისთვის, რომ იქ ოპერირება განახორციელონ.

რა ფასებში ოპერირებს დღეს კომპანია?

ჩვენ ვცდილობთ, რომ ვიმუშაოთ სრულად ქართულ ბაზარზე, ეს ძალიან მნიშვნელოვანი დეტალია, იმიტომ, რომ აქედან გამომდინარეობს შედეგ ფასდადებაც, ფასნამატიც. ჩვენთვის წელიწადის ოთხივე დრო გაყიდვების კუთხით არის სრულად აქტიური, ოდავ მეტად იმატებს ზაფხულში, ეს ბუნებრივი ამბავია. იმაზე მინიმალურია ფასი საქართველოს მოქალაქეებისთვის, რაც არის ზოგადად და ეს უნდა დარჩეს. ჩემი პირადი პრინციპიც კი არის, რომ ის ინვესტიცია, რამაც უნდა იტრიალოს, უნდა დარჩეს ქვეყანაში. შესაბამისად, მინიმალური ფასი კვადრატულზე 900$-დან იწყება. სოციალური და რეგიონის მდგომარეობიდან გამომდინარე არის ეს ფასი. რაც არ უნდა ვთქვათ, ეს მაინც დასაწყისია, ამიტომ, რეგიონის განვითარების ნაწილში ჩვენი წვლილი ამითაც შეგვაქვს. რაც შეიძლება მეტმა ადამიანმა შეიძინოს, რაც შეიძლება ხელმისაწვდომი იყოს და ყველამ ისარგებლოს იმ სიკეთეებით, რაც იქ არის და გამოსაყენებელია. პროცენტულად რომ ავიღოთ, 2 %-ს არ აჭარბებს უცხოელი მობინადრეები ჩვენთან. ისინიც უცხოური გვარი აქვთ თორემ საქართველოსთან აქტიურ ბმაში არიან. ამიტომ, ამაყი ვარ, რომ ეს პროექტი სრულად ქართულია.

R