თბილისის რომელ უბნებშია ბინები ყველაზე მოთხოვნადი
ნოემბერში თბილისში 3 300 ბინა გაიყიდა - საშუალო ფასმა კვადრატულზე 1 242 აშშ დოლარი შეადგინა, - ამის შესახებ „გალთ ენდ თაგარტის“ კვლევაშია აღნიშნული.
„2023 წლის ნოემბერში თბილისში 3 300 ბინა გაიყიდა, რაც წლიურად 14.9% და თვიურად 0.8%-იანი კლებაა.
2023 წლის 11 თვეში კი, ჯამურად 36 283 ბინა გაიყიდა, რაც წლიურად 7.3% კლებაა (მიზეზი რეკორდულად მაღალი ბაზაა). თუმცა, ეს მაჩვენებელი წარმოადგენს 12%-იან ზრდას 2021 წლის ამავე პერიოდთან შედარებით, რაც მიუთითებს ისევ მდგრად მოთხოვნაზე უძრავი ქონების სექტორში.
2023 წლის ნოემბერში პირველადი ბაზრის ფასებმა განაგრძეს მცირედი თვიური ზრდა, ხოლო მეორად ბაზარზე ახალი პროექტების ფასებს თვიურად კლების ტენდენცია ჰქონდათ,“- აღნიშნულია კვლევაში.
2023 წლის ნოემბერში დედაქალაქის სხვადასხვა უბანში უძრავი ქონების გაყიდვების მაჩვენებელი ასეთია:
- დიდი დიღომი - 577 ბინა გაიყიდა;
- საბურთალო - 526 ბინა გაიყიდა;
- სამგორი - 465 ბინა გაიყიდა;
- ნაძალადევი - 407 ბინა გაიყიდა;
- გლდანი - 375 ბინა გაიყიდა;
- დიდუბე - 315 ბინა გაიყიდა;
- ისანი - 182 ბინა გაიყიდა;
- კრწანისი - 129 ბინა გაიყიდა;
- ვაკე - 112 ბინა გაიყიდა;
- ვაშლიჯვარი - 74 ბინა გაიყიდა;
- ჩუღურეთი - 72 ბინა გაიყიდა;
- მთაწმინდა - 66 ბინა გაიყიდა.
