რუსული შოკოლადი ისევ ლიდერობს - წელს საქართველომ 76,2 მლნ აშშ დოლარის პროდუქტი შეიძინა
წელს 11 თვეში, გასული წელის ანალოგიურ პერიოდთან შედარებით, საქართველოდან შოკოლადის ექსპორტი 34,5%-ით გაიზარდა.
სტატისტიკის ეროვნული სამსახურის მონაცემებით, 2023 წლის იანვარ-ნოემბერში ქვეყნიდან 1 351 ტონა (7,352 მლნ აშშ დოლარის) პროდუქტი გავიდა, წინა წლის 11 თვეში 884 ტონა (3,752 მლნ აშშ დოლარის).
რაც შეეხება იმპორტს, 2023 წლის საანგარიშო პერიოდში 18 850 ტონა, 76,218 მლნ აშშ დოლარის ღირებულების შოკოლადი შემოვიდა, წინა წლის 11 თვეში - 18,031 ტონა, 65,780 მლნ აშშ დოლარის.
საქსტატის მიხედვით, იმ ქვეყნებს შორის, საიდანაც წელს შოკოლადი ყველაზე დიდი რაოდენობით შემოვიდა, 40,7%-ით რუსეთი ისევ ლიდერობს.
უფრო კონკრეტულად, ტოპ-5 იმპორტიორი ქვეყნის ჩამონათვალი ასეთია:
- რუსეთი - 7 680 ტონა (24,609 მლნ აშშ დოლარი)
- უკრაინა - 2 604 ტონა (9,560 მლნ აშშ დოლარი)
- თურქეთი - 1 942 ტონა (8,435 მლნ აშშ დოლარი)
- პოლონეთი - 1 442 ტონა (6,420 მლნ აშშ დოლარი)
- ბელგია - 1 015 ტონა (4,790 მლნ აშშ დოლარი)
ტოპ-5 ქვეყანა, სადაც 2023 წელს იანვარ-ნოემბერში საქართველოდან შოკოლადი გავიდა:
- სომხეთი - 501.4 ტონა (2,753 მლნ აშშ დოლარი)
- ირანი - 301.8 ტონა (1,797 მლნ აშშ დოლარი)
- აზერბაიჯანი - 283.1 ტონა (1,381 მლნ აშშ დოლარი)
- უზბეკეთი - 205.8 ტონა (1,130 მლნ აშშ დოლარი)
- საუდის არაბეთი - 38.7 ტონა (134.4 ათასი აშშ დოლარი)
