Google, ისევე როგორც მსოფლიოში, საქართველოშიც ყველაზე პოპულარული საძიებო სისტემაა. იქიდან გამომდინარე, რომ აღნიშნულმა პლატფორმამ ინფორმაციის მიღება ყველაზე მარტივი გახადა, ნებისმიერი კითხვის შემთხვევაში, ადამიანებიც სწორედ "დაგუგლვის" მეთოდს მიმართავენ.
„ბიზნესპრესნიუსი“ დაინტერესდა, 2023 წელს რას ეძებდნენ ყველაზე ხშირად საქართველოდან. აღმოჩნდა, რომ ამ მხრივ ყველაზე პოპულარული იყო "მექალთანე სასახლიდან" და "ცვალებადი ნიშნები". ათეულში მოხვდა საბერძნეთის "ზარას" ონლაინ მაღაზიაც, რომლის პროდუქცია წელს საქართველოდანაც მოთხოვნადი გახდა.