როტშილდები დღეს - ვინ რამდენს ფლობს და რას საქმიანობენ მსოფლიოს უძველესი დინასტიის წარმომადგენლები

როტშილდის სახელი უზარმაზარ სიმდიდრეს, ძალაუფლებას და პრესტიჟს უკავშირდება. სინამდვილეში, როტშილდები უნიკალური ოჯახია, რომელმაც ბოლო სამი საუკუნის განმავლობაში დიდი სიმდიდრე დააგროვა.

ამ მრავალეროვნულმა დინასტიამ პირველი ბიზნესი ფრანკფურტში 1700-იან წლებში მაიერ ამშელ როტშილდის მიერ დაიწყო და დღეს ის მსოფლიოში ერთ-ერთი უმდიდრესი ოჯახია.

დროთა განმავლობაში ცნობილი გვარის შთამომავლები დაქორწინდნენ სამეფო ოჯახის წევრებზე და სხვა შეძლებულ ოჯახებზე, მათ შორის როკფელერებზე, ჰილტონებზე... ამჟამად, ოჯახის მთლიანი ქონება 400 მილიარდ დოლარს შეადგენს, ზოგიერთი შეფასებით 1 ტრილიონ დოლარსაც აღწევს.

წარმოგიდგენთ როტშილდების ოჯახის უმდიდრეს ცოცხალ წევრებს:

ნადინ დე როტშილდი - 100 მილიონი დოლარი

ფრანგი მსახიობისა და მწერლის ნადინ დე როტშილდის ქონება 100 მილიონი დოლარია. ის 1932 წლის აპრილში საფრანგეთში, სენტ-კვენტინში დაიბადა. ნადინ როტშილდი არის ბანკირის, ედმონდ ადოლფ დე როტშილდის ქვრივი, ასევე როტშილდების დინასტიის წევრი. მან კარიერა მხატვარ ჟან-გაბრიელ დომერგისთან მოდელობით დაიწყო.

მისი პირველი როლი იყო 1949 წლის მოკლემეტრაჟიან ფილმში Un chien et madame. შემდგომში ითამაშა ფილმებში, როგორიცაა The Sleepwalker, Le passage de Venus და სხვა.

ედუარდ დე როტშილდი - 300 მილიონი დოლარი

ედუარდ დე როტშილდი ნეილი-სურ-სენში დაიბადა. ის არის გაი დე როტშილდის (1909–2007) და მარი-ჰელენ ვან ზუილენ ვან ნიველტის (1927–1996) ვაჟი. მისი მამა ებრაელია, დედა კი ნახევრად სირიელი.

ედუარდი პარიზში, კერძო სკოლა Cours Hattemer-ში სწავლობდა.

შემდე სამართალს სწავლა საფრანგეთში, პანთეონ-ასასის უნივერსიტეტში გააგრძელა და 1985 წელს დაამთავრა ნიუ-იორკის უნივერსიტეტის სტერნის ბიზნესის სკოლა.

ედუარდი მედიისგან დამოუკიდებლად, ჩრდილში ამჯობინებს ცხოვრებას.

ლინ ფორესტერ დე როტშილდი - 673,6 მილიონი დოლარი

ლედი ლინ ფორესტერ დე როტშილდი ერთ-ერთი ყველაზე მდიდარი ქალია ბრიტანეთში, რომლის ქონება დაახლოებით 673,6 მილიონი დოლარია.

მისი სიმდიდრის უმეტესი ნაწილი, მესამე ქორწინების დამსახურებაა ბრიტანელ მილიონერ ბიზნესმენთან სერ ეველინ რობერტ ადრიან დე როტშილდთან.

ნათანიელ როტშილდი - 1 მილიარდი დოლარი

The New York Times-მა ნათანიელ როტშილდს უწოდა "ადამიანი, რომელიც შეიძლება გახდეს ყველაზე მდიდარი როტშილდი".

“ნატ“ როტშილდი, რომელიც სულ რაღაც 50 წლისაა, არის ბარონ როტშილდის ტიტულის არჩეული მემკვიდრე, რომელსაც ახლა მისი მამა, იაკობი ატარებს. მან გამოიყენა თავისი ოჯახის გამოცდილება და ჩამოაყალიბა კომერციული ინტერესების ფართო სპექტრი, მუშაობდა ჰეჯ-ფონდებში და ინვესტიცია ჩადო ნახშირის მოპოვებაში მთელს მსოფლიოში.

მისი სავარაუდო წმინდა ქონება დაახლოებით 1 მილიარდ დოლარს შეადგენს.

ჯეიმს როტშილდი - 1,3 მილიარდი დოლარი

ფინანსისტი და ბანკის მემკვიდრე ჯეიმს როტშილდი, როტშილდების ოჯახის კიდევ ერთი უზომოდ მდიდარი წევრია.

ბრიტანელი მეწარმე მუშაობს მსოფლიოს ერთ-ერთ მთავარ საბანკო ინსტიტუტში Rothschild Asset Management-ში. ის არის გარდაცვლილი ამშელ როტშილდის ვაჟი, ბრიტანული როტშილდების ოჯახის ერთ-ერთი უმდიდრესი წევრი და ასევე ცნობილია მისი ქორწინებით ანალოგიურად მდიდარ მემკვიდრესთან ნიკი ჰილტონთან.

წყვილს ჰყავს ორი ქალიშვილი, ლილი და თეოროდორა. ჯეიმს როტშილდის სავარაუდო წმინდა ქონება 1,3 მილიარდ დოლარს შეადგენს.

არიან დე როტშილდი - 1,5 მილიარდი დოლარი

ბარონესა არიან დე როტშილდი არის ფრანგი ბანკირი და Edmond de Rothschild Group-ის საბჭოს პრეზიდენტი. ის არის პირველი ქალი, რომელიც მართავს Rothschild-ის დაარსებულ ფინანსურ ინსტიტუტს. იგი დაქორწინებული იყო ბენჯამინ დე როტშილდზე, თუმცა მეუღლე 2021 წელს გარდაეცვალა.

იაკობ როტშილდი - 5 მილიარდი დოლარი

გავრცელებული მონაცემებით, მე-4 ბარონი როტშილდი - იაკობი, დაახლოებით 5 მილიარდ დოლარს ფლობს. ის ნათანიელ როტშილდის მამაა. იაკობ როტშილდი არის ბრიტანელი საინვესტიციო ბანკირი, რომელიც მუშაობდა ლონდონის უამრავ ბანკში. ის ასევე არის ცნობილი ქველმოქმედი და ხელოვნების გულშემატკივარი.

დევიდ მაიერ დე როტშილდი

დევიდ მაიერ დე როტშილდი არის ცნობილი მკვლევარი და გარემოსდამცველი, რომელიც მონაწილეობდა სხვადასხვა პოლარულ და ტროპიკულ ექსკურსიებში.

ის შეიძლება იყოს ყველაზე გაბედული როტშილდებიდან. ენთუზიაზმმა გარემოსდამცველმა მიიღო მნიშვნელოვანი ქება კოლეგებისგან მისი მუშაობისთვის და დაწერა წიგნების სერია, სადაც დეტალურადაა აღწერილი მისი მოგზაურობის თავგადასავლები იზოლირებულ ადგილებში.

მისი შეფასებული 10 მილიარდი დოლარის ქონების დიდი ნაწილი მოდის უზარმაზარ მემკვიდრეობაზე, სხვადასხვა წყაროების მიხედვით.

წყარო: therichest.com

თეონა რამაზაშვილი