თბილისში კერძო სახლების ფასები ნახევარ მილიონ დოლარს აღწევს - 5 ყველაზე ძვირად ღირებული სახლი დედაქალაქში
თბილისში ბინის ფასები რომ მატულობს, სიახლე აღარ არის. გასაკვირი არც ის არის, რომ ფასები მატულობს კერძო სახლებზეც. რიგ შემთხვევაში, თბილისში მდებარე კერძო უძრავი ქონების ფასი ნახევარ მილიონ დოლარსაც კი აჭარბებს.
„ბიზნესპრესნიუსი“ გთავაზობთ 5 ყველაზე ძვირად ღირებულ სახლს დედაქალაქში, რომელიც გასაყიდად ამ დროისთვის არის გამოტანილი:
470 000 დოლარად შეიძენთ 320 კვ. მ.-ზე განთავსებულ ორსართულიან სახლს ლისის ტბაზე; კერძო სახლი დიდ დიღომში, რომლის საერთო ფართი 682 კვ. მ.-ს წარმოადგენს, 440 000 დოლარი ღირს; 400 000 დოლარი ღირს 516 კვ.მ.-ზე განთავსებული საკუთარი სახლი სოფელ დიღომში; 320 000 დოლარად შეიძენთ სახლს ორთაჭალაში, ხოლო 275 000 დოლარის გადახდა მოგიწევთ თუ საკუთარი სახლის შეძენას ნაძალადევის რაიონში მოისურვებთ.
