"ბრიუსელთან ერთად უნდა ვიმუშაოთ, რათა უკრაინის დახმარება საზიანო არ იყოს ჩვენი ეკონომიკისა და სოფლის მეურნეობისთვის"
ბრიუსელთან ერთად უნდა ვიმუშაოთ, რათა უკრაინის დახმარება საზიანო არ იყოს ჩვენი ეკონომიკისა და სოფლის მეურნეობისთვის. ამის შესახებ პოლონეთის პრემიერ-მინისტრმა დონალდ ტუსკმა პრაღაში ვიშეგრადის ჯგუფის (პოლონეთი, უნგრეთი, სლოვაკეთი, ჩეხეთი) შეხვედრაზე განაცხადა.
“მზად ვართ უკრაინას ვეხმარებოდეთ, მაგრამ იმაში, რაც უკრაინასთან თავისუფალ ვაჭრობას ეხება, საყურადღებოა ჩვენი სამოქალაქო და ეკონომიკური საზოგადოებების ინტერესებიც. და ამ შემთხვევაში ერთი აზრი გვაქვს: ბრიუსელთან ერთად უნდა ვიმუშაოთ, რათა უკრაინის დახმარება საზიანო არ იყოს ჩვენი ეკონომიკისა და განსაკუთრებით, ჩვენი სოფლის მეურნეობისთვის”, - განაცხადა ტუსკმა.