ბიტკოინი 61 ათასი დოლარი ღირს - რამ გამოიწვია 600 მლნ ციფრული აქტივების ლიკვიდაცია
CoinDesk-ის მონაცემებით, 28 თებერვალს ბიტკოინის ფასმა მოულოდნელად 64 ათასი დოლარი შეადგინა, თუმცა მალევე ის 59 ათას დოლარამდე დაეცა. ფასების მკვეთრმა ვარდნამ კი 600 მლნ დოლარის ციფრული აქტივების ლიკვიდაცია გამოიწვია.
Coinbase-ის მომხმარებლების ნაწილმა აღშფოთება გამოხატა, როდესაც მათი გაცვლის ანგარიშებზე ნულოვანი ნაშთი იხილა. შედეგად, კომპანიამ დაადასტურა ინციდენტი და მიმდინარეობს საკითხის მოკვლევა.
უახლესი მონაცემებით, პოპულარული კრიპტოვალუტა 61,147 დოლარი ღირს. ეს ღირებულება კი მას 2021 წლის ნოემბრის შემდეგ არ ჰქონია.
ვაჭრობის გახსნის დღიდან ის თითქმის 4 ათასი დოლარით გაძვირდა და ღირებულების რეკორდი განაახლა. მარტო ამ კვირაში, მისი ფასის მატება დაახლოებით 20%-ს შეადგენს.
ჯერ კიდევ რამდენიმე კვირის წინ ბჭობდნენ ექსპერტები, გადალახავდა თუ არა ციფრული ვალუტა 50 000 დოლარიან ნიშნულს.
ცნობისათვის, ბოლო ერთი საათის განმავლობაში 3-5%-ით დაეცა ასევე კრიპტოვალუტების, Solana's SOL-ის, Chainlink's LINK-ისა და Avalanche's AVAX-ის ღირებულებაც.
