10 ქალაქი, სადაც რესტორნის ფასები ყველაზე ძვირი/იაფია - რომელ ადგილზეა თბილისი და ბათუმი?
Numbeo აქვეყნებს 2024 წლის იმ ქალაქების სიას, სადაც რესტორნის ფასების ინდექსი ყველაზე მაღალია. რეიტინგში ჯამში 370 ქალაქია წარმოდგენილი.
Numbeo-ს სიაში საქართველოს ორი ქალაქი - თბილისი და ბათუმი მოხვდა. სარესტორნე მომსახურების სიძვირის კუთხით თბილისი სიაში 216-ე, ხოლო ბათუმი 251-ე ადგილზეა.
კვლევის მიხედვით, თბილისში, დაბალფასიან რესტორანში კვება 15-დან 45-ლარამდე ღირს, საშუალო დონის რესტორანში სამჯერადი კვება 2 ადამიანისთვის 70-ლარიდან 175-ლარის ფარგლებში მერყეობს.
ამასთან, McDonalds-ში McMeal 20-დან 30 ლარამდე ჯდება. ადგილობრივი ლუდი 0.5 ლიტრი 3-დან 10-ლარამდე ღირს, იმპორტირებული ლუდი 0.33 ლიტრიანი ბოთლი 5-დან 15-ლარამდე, კაპუჩინო 4-დან 12-ლარამდე, კოკა-კოლა ან პეპსი 0.33 ლიტრიანი ბოთლი 1.5-ლარიდან 5-ლარამდე, 0.33 ლიტრიანი წყალი კი 0.8-ლარიდან 3-ლარამდე.
რაც შეეხება ბათუმს, დაბალბიუჯეტურ რესტორანში კვება საშუალოდ 18-ლარიდან 40-ლარამდე ღირს, საშუალო კლასის რესტორანში სამჯერადი კვება ორი ადამიანისთვის 50-დან 200-ლარამდე მერყეობს.
რაც შეეხება McDonalds-ს, McMeal 20-ლარიდან 30-ლარამდე ჯდება, ადგილობრივი ლუდი 0.5 ლიტრი 2-ლარიდან 7-ლარამდე ღირს, იმპორტირებული ლუდი 0.33 ლიტრი 4-ლარიდან 12-ლარამდე, კაპუჩინო 5-ლარიდან 12-ლარამდე, 0.33 ლიტრიანი კოლა ან პეპსი 1.99 ლარიდან 5-ლარამდე, 0.33 ლიტრი წყალის ფასი კი 1-ლარიდან 3-ლარამდეა.
კვლევის თანახმად, რესტორნის ფასების ინდექსი ყველაზე ძვირი არის შემდეგ ათ ქალაქში:
- ჰამილტონი, ბერმუდას კუნძული;
- ციურიხი, შვეიცარია;
- ჟენევა, შვეიცარია;
- ბაზელი, შვეიცარია;
- ლოზანა, შვეიცარია;
- კანბერა, ავსტრალია;
- ნიუ-იორკი, აშშ;
- ბერნი, შვეიცარია;
- რეიკიავიკი, ისლანდია;
- კოპენჰაგენი, დანია.
კვლევაში მოხვედრილი 370 ქალაქიდან, სარესტორნე მომსახურება ყველაზე იაფია შემდეგ ქალაქებში:
- კოლკატა, ინდოეთი;
- ჯაიპური, ინდოეთი;
- ისლამაბადი, პაკისტანი;
- სურატი, ინდოეთი;
- ბუბანესვარი, ინდოეთი;
- ჩენაი, ინდოეთი;
- კარაჩი, პაკისტანი;
- ლუკნაუ, ინდოეთი;
- კოიმბატორი, ინდოეთი;
- კოჩი, ინდოეთი.
