2024 წლის იანვარ-მარტში კომერციულმა ბანკებმა 711.845 მლნ ლარის წმინდა მოგება მიიღეს, საიდანაც 234.936 მლნ ლარი იანვარზე, 225.636 მლნ ლარი თებერვალზე, 251.273 მლნ ლარი კი მარტზე მოდის. საქართველოს ეროვნული ბანკის მიერ გამოქვეყნებული ბანკების ფინანსური ანგარიშგების მიხედვით, მოგების 87% ორმა ბანკმა – საქართველოს ბანკმა და თიბისიმ გადაინაწილეს. 16 ბანკიდან სამი – სილქ ბანკი, პეისერა და პეივბანკი – ზარალზე გავიდნენ.
რაც შეეხება ზარალიან ბანკებს, 2024 წლის იანვარ-მარტში სილქ-ბანკი - 1.318-მილიონიან ზარალზე გავიდა, პეისერა 326 ათასი ლარის და პეივბანკი 6 ათასი ლარის ზარალზე გავიდა.
სებ-ის ვებგვერდზე გამოქვეყნებული სტატისტიკის მიხედვით, იანვარ-მარტში კონსოლიდირებული ფინანსური ანგარიში 16 კომერციულ ბანკს აქვს წარდგენილი.