ბათუმში ევროპის მოედანზე აქცია - “კი ევროპას, არა რუსულ კანონს“ დაიწყო
“კი ევროპას, არა რუსულ კანონს“ - ბათუმში ევროპის მოედანზე მოქალაქეები შეიკრიბნენ და საპროტესტო აქციას მართავენ.
აქციის მონაწილეები აცხადებენ, რომ “ქართული ოცნება” „ძველი მეთოდების გამოყენებით“ რეგიონებიდან იძულებით ჩაყვანილი ხალხის აქციას მართავს.
“ჩვენ არავის ვეჯიბრებით. ადამიანებმა, რომლებიც ამ ქვეყანას და კონსტიტუციას პატივს სცემენ და მიისწრაფვიან ევროპისკენ, იციან კონსტიტუციის 78-ე მუხლი. როცა ამ კანონს მიიღებენ, ცხადია რუსული იქნება. ამ საჯარო მოხელეებს უამრავი პასუხისმგებლობა აქვთ, შესაბამისად, ეს ადამიანები ოქტომბერში პასუხს გასცემენ “ქართულ ოცნებას” აბუჩად აგდებისთვის. ჩრდილში დგომის დრო არ არის, ერთ გზაგასაყარია, სად გვინდა, რომ ვიყოთ! ბნელ საბჭოთა კავშირში თუ ევროპაში”, - განაცხადეს აქციის მონაწილეებმა.