ევროპის ჩემპიონატზე გასვლისთვის ნაკრები 850 ათასი ლარის ნაცვლად 3 მილიონ ლარს მიიღებს
ევროპის ჩემპიონატზე გასვლისთვის ნაკრები 3 მილიონ ლარს მიიღებს, ამის შესახებ პრემიერ-მინისტრმა ირაკლი კობახიძემ მთავრობის სხდომაზე განაცხადა.
„ევროპის ჩემპიონატზე გასვლისთვის ნაკრებებისთვის სტანდარტულად გათვალისწინებულია პრემია - 850 ათასი ლარის ოდენობით. ჩვენ გვქონდა მსჯელობა კულტურისა და სპორტის სამინისტროსთან და მივიღეთ გადაწყვეტილება რომ პრემიის მოცულობა 3 მილიონ ლარამდე გავზარდოთ. ეს საკითხი დღეს განიხილება და გვაქვს თქვენი მხარდაჭერის იმედი,“ - განაცხადა კობახიძემ.