თხილის ექსპორტი შემცირდა - ევროკავშირის წილი ექსპორტში 58%-ს შეადგენს
გარემოს დაცვისა და სოფლის მეურნეობის სამინისტროს ყოველწლიური მოხსენებიდან ირკვევა, რომ 2023 წელს ქართული წარმოების თხილის 70% ექსპორტზე ევროკავშირში გავიდა.
„ბიზნესპრესნიუსი“ დაინტერესდა, რა რაოდენობის ქართული წარმოების თხილი გავიდა მიმდინარე წლის იანვარ-აპრილში ექსპორტზე და რომელ ქვეყნებში.
საქსტატის მონაცემებით, გასული წლის იანვარ-აპრილში ექსპორტირებულია 29,340 მლნ დოლარის ღირებულების თხილი, ხოლო მიმდინარე წლის იმავე პერიოდში 26,225 მლნ დოლარის. აღნიშნული მონაცემები აჩვენებს, რომ მიმდინარე წლის საანგარიშო პერიოდში თხილის ექსპორტიდან მიღებული შემოსავლები საქართველოს დაახლოებით 10.6%-ით შეუმცირდა.
მიმდინარე წლის იანვარ-აპრილში საქართველოდან ევროკავშირის ქვეყნებში ჯამში ექსპორტზე გავიდა 15 214 750 აშშ დოლარის ნაჭუჭგაცლილი თხილი. მონაცემები აჩვენებს, რომ საანგარიშო პერიოდში ადგილობრივად წარმოებული თხილის 58%-ის ექსპორტის ევროკავშირში განხორციელდა. კერძოდ, ევროკავშირის ქვეყნებში ექსპორტის მაჩვენებლები ასე გამოიყურება:
- ესპანეთი - 5 521 590 დოლარი
- საფრანგეთი - 1 706 840 დოლარი
- იტალია - 1 657 180 დოლარი
- გერმანია - 1 306 390 დოლარი
- ლიეტუვა (ლიტვა) – 1 261 350 დოლარი
- პოლონეთი - 971 180 დოლარი
- ნიდერლანდები - 871 910 დოლარი
- ჩეხეთი - 601 260 დოლარი
- სლოვაკეთი - 599 050 დოლარი
- ბულგარეთი 297 810 დოლარი
- ლატვია - 152 250 დოლარი
- ესტონეთი - 151 630 დოლარი
- საბერძნეთი - 116 310 დოლარი
