წელს იანვარ-აპრილში, მომხმარებელთა მხრიდან მიკროსაფინანსო ორგანიზაციების წინააღმდეგ 284 საჩივარი დაიწერა, ხოლო, კონკრეტულად აპრილში - 64.
ეროვნული ბანკის სტატისტიკის მიხედვით, 2024 წლის აპრილში დაფიქსირებული საჩივრებიდან 45 სალომბარდე სესხებზე მოდის, 6 მომენტალურ განვადებაზე, 5 - ავტოსესხზე, 2 სამომხმარებლო სესხებზე, 2 - იპოთეკურ სესხზე, ხოლო 1 - ბიზნეს სესხზე.
პრეტენზიების შინაარსის მიხედვით, წელს აპრილში შესული საჩივრებიდან 36 - ადმინისტრაციულ მომსახურებაზე მოდის, 17 ჯარიმებსა და ვადაგადაცილებულ საკომისიოებზე, 3 სხვა გადასახდელებზე, 2 - თანამშრომლის მიერ არასწორად მიწოდებული ინფორმაციაზე, 2- საპროცენტო შენატანებზე, 1 - ეთიკის კოდექსთან დაკავშირებულ საკითხებზე, ხოლო 1 - მომხმარებლის შესახებ კონფიდენციალური ინფორმაციის გაცემაზე.
ეროვნული ბანკის ვებ-გვერდზე გამოქვეყნებული სტატისტიკის მიხედვით, 2024 წლის აპრილში დაფიქსირებული 64 საჩივრიდან - 29 უსაფუძვლოდ იქნა მიჩნეული, 27 საფუძვლიანად და გადაწყდა მომხმარებლის სასარგებლოდ, თუმცა პრეტენზიით გამოხატული პრობლემა არ არის აღმოფხვრილი, 8 შემთხვევაში საჩივართან დაკავშირებით განხილვა არ არის დასრულებული.
აღსანიშნავია, რომ მომხმარებელთა ცხელი ხაზი ეროვნულ ბანკში 2011 წლიდან მოქმედებს. პრეტენზიების სტატისტიკაც ამის შემდეგ იწარმოება, თავდაპირველად მხოლოდ ბანკები, შემდეგ კი მიკროსაფინანსო სექტორიც დაემატა.