ბიზნესმენი რომან ფიფია დაზარალებულთათვის საცხოვრებელ ფართს შეიძენს
ბიზნესმენი რომან ფიფია დაზარალებულთათვის საცხოვრებელ ფართს შეიძენს. ამის შესახებ ბიზნესმენი განცხადებას ავრცელებს.
"დღეს გლოვის დღეა საქართველოში! მთელი გულით ვუსამძიმრებ სტიქიის დროს გარდაცვლილთა ოჯახებს და დაზარალებულებს. დიდი განსაცდელის წინაშე აღმოვჩნდით ყველანი. მხოლოდ ერთად დგომა და ერთმანეთის დახმარება დაგვაძლევინებს ამ სირთულეებს. ჩვენი, ყველას მოქალაქეობრივი ვალია, მაქსიმუმი გავაკეთოთ დაზარალებული მოსახლეობის დასახმარებლად. ჩვენ მზად ვართ, უსახლკაროდ დარჩენილ რამდენიმე ოჯახს შევუძინოთ საცხოვრებელი ფართი, ხოლო წითელი ჯვრის მეშვეობით გავუწიოთ დახმარება. ჩვენი, ყველას მოქალაქეობრივი ვალია სოციალური პასუხისმგებლობის მაქსიმალური გამოვლინება, რაც უბრალოდ ნიშნავს თანადგომას", - ნათქვამია ფიფიას განცხადებაში.