IT სექტორის ექსპორტის ყველაზე დიდი ნაწილი(26 პროცენტი) აშშ-ში განხორციელდა, - ამის შესახებ Galt & Traggart-ის კვლევაშია საუბარი.
დოკუმენტის თანახმად, IT სექტორის შემოსავლები 2023 წელს 2.4 მილიარდ ლარამდე არის გაზრდილი, აქედან 2.1 მილიარდი ლარი სერვისის ექსპორტით იქნა დაგენერირებული. რომლის ყველაზე დიდ ნაწილს(26 პროცენტი) აშშ-ში განხორციელებული ექსპორტი წარმოადგენს, შემდეგ მოდის დიდი ბრიტანეთი (15 პროცენტი) და მალტა (11 პროცენტი). ამასთან, კვლევის ავტორთა შეფასებით, ექსპორტის ზრდა საერთაშორისო IT კომპანიების/სპეციალისტების საქართველოში შემოსვლითაა განპირობებული.
ამასთან, კვლევის თანახმად, IT სექტორის ექსპორტი 2017-2023 წლებში 13.3-ჯერ არის გაზრდილი, კერძოდ, თუ ეს მაჩვენებელი 2017 წელს 200 000 000 ლარი იყო, 2023 წლს - 2.1 მილიარდი ლარი შეადგინა.
IT სექტორის ექსპორტის შემოსავლის ნახევარზე მეტი სწორედ ზემოთაღნიშნული ტოპ სამი ქვეყნიდან იქნა მიღებული. ზოგადად, ტოპ საექსპორტო ქვეყნების სრული რეიტინგი კი ასე გამოიყურება.
ცნობისთვის, სექტორის ზრდას უმთავრეს განმაპირობებელ ფაქტორად საგადასახადო შეღავათები სახელდება. ასევე, სექტორის ზრდის მნიშვნელოვან წინაპირობად საერთაშორისო კომპანიებისა და IT სპეციალისტების საქართველოში რელოკაციასაც განიხილება.