2023 წელს სახელმწიფო სექტორში დასაქმებული იყო 320.5 ათასი ადამიანი, რაც ბოლო 10 წლის რეკორდული მაჩვენებელია. ამის შესახებ ინფორმაციას ორგანიზაცია „ინფორმაციის თავისუფლების განვითარების ინსტიტუტი“ (IDFI) ავრცელებს.
მათივე შეფასებით, საჯარო სექტორში დასაქმებულთა შესახებ მონაცემები ქვეყანაში სრულყოფილად არ აღირიცხება. „საქსტატის“ მონაცემები მიღებულია სამუშაო ძალის გამოკვლევის მიხედვით და წარმოადგენს მიახლოებით მონაცემებს.
ამასთან, IDFI-ს ცნობით, 2023 წელს სახელმწიფო სსიპ-ებში და ა(ა)იპ-ებში (მუნიციპალიტეტების გარდა) დასაქმებული იყო 176.1 ათასი ადამიანი, რაც ბოლო 10 წლის რეკორდული მაჩვენებელია.
ორგანიზაციის ცნობითვე, ბოლო 10 წლის მანძილზე სსიპ-ების და ა(ა)იპ-ების შტატგარეშე თანამშრომელთა რაოდენობა 67%-ით გაიზარდა და 59 ათასი ადამიანი შეადგინა.