საქართველოს მთავრობა გერმანიის რეკონსტრუქციის საკრედიტო ბანკისგან (KfW) 15 მილიონი ევროს ოდენობის სესხს იღებს. განკარგულებას პრემიერ-მინისტრი ირაკლი კობახიძე აწერს ხელს.
დოკუმენტში აღნიშნულია, რომ მოცემული თანხა ბათუმში ურბანული მობილობის განვითარებისკენ მიემართება.
რაც შეეხება ფინანსურ პირობებს, სესხი 15-წლიან პერიოდზეა გათვლილი, საიდანაც საშეღავათო პერიოდი 10 წლით განისაზღვრა.
განკარგულების მიხედვით, სესხის წლიური ფიქსირებული საპროცენტო განაკვეთი 0.75%-ით განისაზღვრა.
ცნობისთვის, მთავრობა გერმანიის რეკონსტრუქციის საკრედიტო ბანკისგან 19 ივნისის განკარგულებით, 100 მლნ ევროს სესხებაც გადაწყვიტა.
იხილეთ ასევე: მთავრობა გერმანიის რეკონსტრუქციის საკრედიტო ბანკისგან 100 მლნ ევროს ისესხებს