"თბილსერვისჯგუფის" განცხადებით, სტიქიის ზონები და მიმდებარე ტერიტორია პერმანენტულად ირეცხება. "თბილსერვისჯგუფის" ინფორმაციით, ბოლო დღეებში განვითარებული მოვლენებიდან გამომდინარე, თბილისის ქუჩები დღეში ორჯერ, დილით და საღამოს, სპეციალური ტექნიკის დახმარებით ირეცხება. "სამუშაოები 07:30 საათიდან, ხოლო ღამით 22:00 საათიდან იწყება. დასუფთავების არეალში რუსთაველის, კოსტავას, გამსახურდიას, მელიქიშვილის, ჭავჭავაძის გამზირები, ასევე თამარაშვილის ქუჩა შედის. უშუალოდ სტიქიის ზონაში, კერძოდ, გმირთა მოედანზე სპეციალური ტექნიკა მთელი დღის განმავლობაში მორეცხვა-დასუფთავების სამუშაოებს აწარმოებს. გამომდინარე იქედან, რომ სტიქიით გამოწვეული დაბინძურება დიდ მასშტაბებს მოიცავს, მორეცხვა-დასუფთავების სამუშაოები გაძლიერებულ რეჟიმში მომავალ კვირაშიც გაგრძელდება", -აცხადებენ დასუფთავების სამსახურში.