Top-10 ქვეყანა, სადაც ერთ სულ მოსახლეზე მშპ-ის მაჩვენებელი ყველაზე მაღალი/დაბალია - რა პოზიციაზეა საქართველო
საქართველო მეზობელ ქვეყნებს შორის ერთ სულ მოსახლეზე მშპ-ს საპროგნოზო მაჩვენებლით მესამე ადგილზეა. საერთაშორისო სავალუტო ფონდის (IMF) მონაცემებით, ჩვენ სომხეთსა და აზერბაიჯანზე უკეთეს პოზიციაზე ვართ, თურქეთს და რუსეთს კი ჩამოვრჩებით.
უფრო კონკრეტულად, IMF-ის მონაცემებით, 2024 წლისთვის საქართველოში ერთ სულ მოსახლეზე მთლიანი შიდა პროდუქტი 8 830 დოლარია, სომხეთში - 8 580 დოლარი, აზერბაიჯანში - 7 640 დოლარი, თურქეთში - 12 760 დოლარი და რუსეთში - 14 390 დოლარი.
IMF-ის მიერ გამოქვეყნებული რეიტინგის მიხედვით ერთ სულ მოსახლეზე ყველაზე მაღალი მშპ-ს მაჩვენებლით ლუქსემბურგი ლიდერობს, შემდეგ მოჰყვება ირლანდია, შვეიცარია, სინგაპური და ა.შ. ყველაზე დაბალი მაჩვენებელი კი არის ბურუნდში, სულ რაღაც 230 დოლარი.
გთავაზობთ, Top-10 ქვეყანას, სადაც 2024 წელს ერთ სულ მოსახლეზე მშპ-ს ყველაზე მაღალი მაჩვენებელი ფიქსირდება:
- ლუქსემბურგი - 131 384 დოლარი
- ირლანდია - 106 060 დოლარი
- შვეიცარია - 105 670 დოლარი
- ნორვეგია - 94 660 დოლარი
- სინგაპური - 88 450 დოლარი
- შეერთებული შტატები - 85 370 დოლარი
- ისლანდია - 84 590 დოლარი
- კატარი - 81 400 დოლარი
- მაკაო - 78 960 დოლარი
- დანია - 68 900 დოლარი
გთავაზობთ, Top-10 ქვეყანას, სადაც 2024 წელს ერთ სულ მოსახლეზე მშპ-ს ყველაზე დაბალი მაჩვენებელი ფიქსირდება:
- ბურუნდი - 230 დოლარი
- სამხრეთ სუდანი - 421 დოლარი
- მალავი - 480 დოლარი
- იემენი - 486 დოლარი
- სიერა ლეონე - 526 დოლარი
- ცენტრალური აფრიკის რესპუბლიკა - 537 დოლარი
- მადაგასკარი - 538 დოლარი
- სუდანი - 546 დოლარი
- მოზამბიკი - 659 დოლარი
- ნიგერია - 670 დოლარი
აღსანიშნავია, რომ ამ დროისთვის ჩამონათვალში რამდენიმე ქვეყნის შესახებ საპროგნოზო მონაცემები არ იძებნება.