კომერციული ბანკების წმინდა მოგებამ 1.4 მლრდ ლარს გადააჭარბა - რომელია წაგებაზე

2024 წლის იანვარ-ივნისში კომერციულმა ბანკებმა 1 467 383 543 ლარის წმინდა მოგება მიიღეს, საიდანაც 234.936 მლნ ლარი - იანვარზე, 225.636 მლნ ლარი - თებერვალზე, 251.273 მლნ ლარი - მარტზე, 223.989 მლნ ლარი - აპრილზე; 279.334 მლნ ლარი - მაისზე, ხოლო 252.215 მლნ ლარი ივნისზე მოდის.

საქართველოს ეროვნული ბანკის მიერ გამოქვეყნებული ბანკების ფინანსური ანგარიშგების მიხედვით, მოგების თითქმის 88% ორმა ბანკმა – „საქართველოს ბანკმა“ და „თიბისიმ“ გადაინაწილეს. 17 ბანკიდან ხუთი – „სილქ ბანკი“, „ვითიბი ბანკი“, „პეისერა“, „ჰეშბანკი“ და „პეივბანკი“ – ზარალზე გავიდა.

ბანკების რეიტინგი მოგების მიხედვით (2024 წლის იანვარ-ივნისი):

• „საქართველოს ბანკი“ – 721.152 მლნ ლარის წმინდა მოგება;
• „თიბისი“ – 568.045 მლნ ლარის წმინდა მოგება;
• „ლიბერთი ბანკი“ – 56.495 მლნ ლარის წმინდა მოგება;
• „ბაზისბანკი“ – 36.969 მლნ ლარის წმინდა მოგება;
• „კრედო ბანკი“ – 24.089 მლნ ლარის წმინდა მოგება;
• „პროკრედიტ ბანკი“ – 18.056 მლნ ლარის წმინდა მოგება;
• „ტერა ბანკი“ – 16.149 მლნ ლარის წმინდა მოგება;
• „ქართუ ბანკი“ – 15.985 მლნ ლარის წმინდა მოგება;
• „ხალიკ ბანკი“ – 10.592 მლნ ლარის წმინდა მოგება;
• „იშ-ბანკი“ – 8.586 მლნ ლარის წმინდა მოგება;
• „პაშა ბანკი“ – 3.151 მლნ ლარის წმინდა მოგება;
• „ზირაათ ბანკი“ – 2.946 მლნ ლარის წმინდა მოგება.

ამასთან, წელს ექვს თვეში რეგისტრირებული17 კომერციული ბანკიდან - ხუთი ზარალზე გავიდა. კერძოდ, 2024 წლის იანვარ-ივნისში „სილქ-ბანკი“ - 3.908-მილიონიან ზარალზე გავიდა, „პეივბანკი“ 204 ათასი ლარის, „ჰეშბანკი“ - 1.626 მლნ ლარის, „პეისერა“ - 487 ათასი ლარის და „ვითიბი ბანკი საქართველო“ - 8.607-მილიონიან ლარის ზარალზე გავიდა.

ცნობისთვის, 2024 წლის იანვარ-ივნისში საქართველოს ეროვნულ ბანკში კონსოლიდირებული ფინანსური ანგარიში 17 კომერციულ ბანკს აქვს წარდგენილი.