5 სექტორი საქართველოში, სადაც ყველაზე მეტი რუსული კომპანია საქმიანობს - სულ 38 ათასამდე კომპანიაა რეგისტრირებული
საქართველოში 37 900-ზე მეტი სრულად ან ნაწილობრივ რუსული კაპიტალით შექმნილი კომპანიაა რეგისტრირებული. ამის შესახებ „ბიზნესპრესნიუსს“ სტატისტიკის ეროვნული სამსახურიდან აცნობეს.
მონაცემების თანახმად, ყველაზე მეტი კომპანია კომპიუტერული დაპროგრამების საქმიანობებშია რეგისტრირებული, სადაც ამ კომპანიების 26% საქმიანობს; შემდეგია საინფორმაციო ტექნოლოგიების და კომპიუტერული მომსახურების სხვა საქმიანობები - დაახლოებით 14%-ით და საცალო ვაჭრობა, სადაც რუსული კაპიტალით შექმნილი კომპანიების 2,7% საქმიანობს.
უფრო კონკრეტულად, 5 სექტორი, სადაც ყველაზე მეტი რუსული კომპანიაა რეგისტრირებული, ასე გამოიყურება:
- კომპიუტერული დაპროგრამების საქმიანობები - 10 081 კომპანია;
- საინფორმაციო ტექნოლოგიების და კომპიუტერული მომსახურების სხვა საქმიანობები - 5 658 კომპანია;
- საცალო ვაჭრობა - 1 013 კომპანია;
- სარეკლამო სააგენტოების საქმიანობა - 726 კომპანია;
- სპეციალიზებული საქმიანობები - 685 კომპანია.
რაც შეეხება დანარჩენ დარგებს, სადაც ასევე ბევრი რუსული კომპანია საქმიანობს, შემდეგნაირად ნაწილდება:
- საკონსულტაციო საქმიანობები ბიზნესის და მართვის სხვა საკითხებში - 601 კომპანია;
- რესტორნები და საკვებით მობილური მომსახურების საქმიანობები - 597
- საბითუმო ვაჭრობა - 592 კომპანია;
- დამხმარე საგანმანათლებლო საქმიანობები - 300 კომპანია;
- "საპარიკმახეროების" და სხვა სილამაზის სალონების მომსახურება 273
- საცხოვრებელი შენობების ყიდვა-გაყიდვა - 266 კომპანია;
- კინოფილმების, ვიდეო და სატელევიზიო პროგრამების გავრცელებასთან დაკავშირებული საქმიანობები - 235 კომპანია;
- ტურისტული სააგენტოები და ტურ-ოპერატორების საქმიანობები - 219 კომპანია
- უძრავი ქონების სააგენტო - 217 კომპანია;
- საკუთარი ან იჯარით აღებული არასაცხოვრებელი შენობების გაქირავება და მართვა - 176 კომპანია.
