იუსტიციის სამინისტროს სისტემაში სტაჟირებას 383 კურსდამთავრებული გაივლის
ანაზღაურებადი სტაჟირების სამთავრობო პროგრამის ფარგლებში, იუსტიციის სამინისტროს სისტემაში სტაჟირებას 383 სტუდენტი გაივლის. ამის შესახებ ინფორმაციას სამინისტრო ავრცელებს.
უწყების ცნობით, უსტიციის სამინისტროში სტაჟირების გავლა შეუძლიათ მაღალი აკადემიური მოსწრების (GPA – არანაკლებ 2.8-4.0;
ქულათა სისტემა – 71-100 ქულის მაჩვენებელი) პირებს, რომლებიც სწავლობენ უმაღლესი საგანმანათლებლო დაწესებულების ბაკალავრიატის დამამთავრებელ კურსზე ან მაგისტრატურის საფეხურზე;
აგრეთვე, პირებს, რომლებმაც დაასრულეს უმაღლესი განათლების პირველი ან მე-2 საფეხური 2023-2024 სასწავლო წლის გაზაფხულის სემესტრში.
კონკურსი ორ ეტაპად წარიმართება – საბუთების გადარჩევა და გასაუბრება. სტაჟიორის კონკურსის შედეგების შესაბამისად, საუკეთესო კანდიდატის სტაჟიორად შერჩევის შესახებ გადაწყვეტილებას იღებს შეფასებაზე უფლებამოსილი კომისია.
განაცხადის წარდგენა შესაძლებელია 2-დან 8 აგვისტოს ჩათვლით.
იუსტიციის სამინისტროში არსებული ვაკანსიები, საკვალიფიკაციო მოთხოვნები და წარსადგენი დოკუმენტაცია ხელმისაწვდომია ბმულზე: hr.gov.ge
