ბრაზილია 10 წელში ნავთობის მიპოვებას 47%-ით გაზრდის
ბრაზილიის მაღაროებისა და ენერგეტიკის სამინისტროს პროგნოზით, ქვეყანა 2034 წლისთვის დღეში 4,4 მილიონი ბარელი ნავთობის მოპოვებას გეგმავს, რაც 2023 წელთან შედარებით 47%-ით მეტია.
ნავთობის მოპოვების პიკი, სავარაუდოდ, 2030 წელს იქნება და დღეში 5,3 მილიონ ბარელს მიაღწევს. მომდევნო ათწლეულის განმავლობაში ნავთობის მოპოვების დაგეგმილი დონის შესანარჩუნებლად აუცილებელია გეოლოგიური საძიებო სამუშაოების გაფართოება, აღნიშნეს სამინისტროში.
მისი შეფასებით, 2034 წლისთვის ბუნებრივი აირის მთლიანი მოპოვება იქნება 315 მილიონი კუბური მეტრი დღეში, რაც ორჯერ მეტია 2023 წელთან შედარებით.
ამავდროულად, ნავთობის (76%) და გაზის (80%) მოპოვების ძირითადი მოცულობა შელფის სუბმარილის ზონაში მდებარე საბადოებიდან იქნება. სამინისტრო ასევე პროგნოზირებს ხმელეთზე ნახშირწყალბადების მოპოვების ზრდას 311 ბარელ ნავთობის ეკვივალენტამდე დღეში, რაც 2023 წელთან შედარებით 46%-ით მეტია.
