მალიში ერთი ლიტრი ქართული ღვინის საექსპორტო ფასი 45.8 დოლარია - TOP 10 ყველაზე ძვირი საექსპორტო ბაზარი
2024 წლის იანვარ-ივლისში, გასული წლის იმავე პერიოდთან შედარებით, ქართული ღვინის ექსპორტი 15.9%-ით გაიზარდა. 2023 წლის პირველ შვიდ თვეში ექსპორტზე გავიდა 149.8 მლნ დოლარის ღირებულების 51 ათას ტონაზე მეტი ყურძნის ნატურალური ღვინო, ხოლო წელს იმავე პერიოდში 173.7 მლნ დოლარის 60 ათას ტონაზე მეტი.
მიმდინარე წელს ქართული ღვინის ექსპორტის უდიდესი ნაწილი, 70% რუსეთში განხორციელდა. რუსეთში ექსპორტირებულია 121.4 მლნ დოლარის 44.6 ათასი ტონა ყურძნის ნატურალური ღვინო. საანგარიშო პერიოდში საშუალო საექსპორტო ფასი 2.7 დოლარი იყო.
„ბიზნესპრესნიუსი“ დაინტერესდა, რომელ ქვეყანაში ჯდება ქართული ღვინის ექსპორტი ყველაზე ძვირი. საქსტატის საგარეო ვაჭრობის პორტალზე არსებული მონაცემების მიხედვით, 2024 წლის პირველ შვიდ თვეში ღვინო 61 ქვეყანაში გავიდა, მათ შორის ყველაზე ძვირი ღვინის საექსპორტო ფასი მალიში იყო.
საანგარიშო პერიოდში მალიში 2 750 დოლარის ღირებულების 60 ლიტრი ქართული ღვინო გავიდა ექსპორტზე. 1 ლიტრის საშუალო საექსპორტო ფასი 45.8 დოლარს შეადგენდა.
„ბიზნესპრესნიუსი“ გთავაზობთ 10 ქვეყანას, სადაც 1 ლიტრი ქართული ღვინის საშუალო საექსპორტო ფასი ყველაზე მაღალია:
- მალი - 1 ლიტრის ფასი 45.8 დოლარი (სულ 2 750 ათასი დოლარის 60 ლიტრი);
- არგენტინა - 1 ლიტრი 18 დოლარი (სულ 180 დოლარის 10 ლიტრი);
- შვეიცარია - 1 ლიტრი 12.9 დოლარი (სულ 37 290 დოლარის 2.89 ტონა);
- ბელგია - 1 ლიტრი 10.95 დოლარი (30 450 დოლარის 2.78 ტონა);
- მექსიკა - 1 ლიტრი 10.94 დოლარი (37 860 დოლარის 3.46 ტონა);
- ირლანდია - 1 ლიტრი 10.27 დოლარი (19 210 დოლარის 1.87 ტონა);
- სლოვაკეთი - 1 ლიტრი 10.1 დოლარი (6 170 დოლარის 610 ლიტრი);
- პორტუგალია - 1 ლიტრი 9.86 დოლარი (37 880 დოლარის 3.84 ტონა);
- დანია - 1 ლიტრი 9.6 დოლარი (155 680 დოლარის 16.17 ტონა);
- სლოვენია - 1 ლიტრი 9.37 დოლარი (8 440 დოლარის 900 ლიტრი).
